मुंबई : राज्यात कालच्या तुलनेत आज कोरोनाची रुग्णसंख्या (Corona patients) काहीशी कमी झाली आहे. दिवसभरात 46,393 नव्या रुग्णांची नोंद झाली आहे. तर 30,795 रुग्ण बरे झाले आहेत. यामुळं राज्यात सध्या २,७९,९३० अॅक्टिव्ह रुग्ण असून ते उपचार घेत आहेत. (corona update maharashtra daily corona news)

आरोग्य विभागाच्या माहितीनुसार, राज्यात दिवसभरात 46,393 रुग्ण आढळून आले आहेत तर ४८ रुग्णांचा मृत्यू झाला आहे. तर 30,795 रुग्ण बरे झाल्यानं त्यांना डिस्चार्ज देण्यात आला आहे. तसेच राज्यात आजवर 2,759 रुग्णांना ओमिक्रॉनचा संसर्ग झाला आहे. यांपैकी ४१६ नवे ओमिक्रॉनचे रुग्ण आज राज्यात आढळून आले आहेत.

राज्यातील मृत्यूदर 1.9 टक्क्यांपर्यंत खाली आला आहे. औरंगाबाद, लातूर मंडळात एकाही मृत्यूची नोंद झाली नाही. तर ठाणे 21, नाशिक 4, पुणे 15, कोल्हापूर 5, अकोला 2, नागपूर 1 मृत्यू नोंदवले गेले. 

सध्या राज्यात 21,86,124 व्यक्ती होमक्वारंटाइनमध्ये आहेत तर 3,382 व्यक्ती संस्थात्मक क्वारंटाइनमध्ये आहेत. सक्रिय रुग्णांची संख्या वाढून 2,79,930 इतकी झाली आहे.