मुंबई: गेल्या काही दिवसांपासून राज्यातील रुग्णसंख्या दिवसेंदिवस वाढत चालली आहे. त्यामुळे राज्यात कोरोनाचे निर्बंध पुन्हा एकदा कडक करण्यात आले आहेत. शाळा-कॉलेजेस बंद करुन ऑनलाईन सुरु ठेवण्यात आले आहेत.

आज राज्यामध्ये एकूण 41,327 नवे रुग्ण आढळले आहेत. तर दुसरीकडे राज्यात आज 29 रुग्णांचा मृत्यू झाला आहे. सध्या राज्यातील मृत्यूदर 1.96 टक्के एवढा आहे. आज राज्यामध्ये 40386 रुग्ण बरे झाले आहेत. या नव्या रुग्णांसह आतापर्यंत एकूण 68,00,900 बरे झाले आहेत. यामुळे सध्या राज्याचा रिकव्हरी रेट 94.3 टक्के एवढा झाला आहे

मुंबईतही दिलासादायक चित्र

आज मुंबईमध्ये एकूण ७ हजार ८९५ कोरोना रुग्ण आढळले आहेत. तर ११ जणांचा मृत्यू झाला आहे. कोरोनाची रुग्णसंख्या कमी झाल्याने दिलासा मिळाला आहे. काल मुंबईमध्ये आज 10,661 नव्या कोरोना बाधितांची (Corona Cases In Mumbai) नोंद करण्यात आली होती.