मुंबई : महाराष्ट्रात गेल्या 24 तासात 2,186 नवीन कोरोना रुग्ण आढळले आहेत, तर2,179 बरे झाले आणि 3 रुग्णांचा मृत्यू झाला आहे. दरम्यान आज नोंद झालेल्या रुग्णांपैकी सर्वाधिक रुग्ण हे मुंबई शहरात आढळले आहेत आहे. मुंबईत आज सर्वाधिक म्हणजे 276 रुग्णांची भर पडली आहे. (Corona Update today 2186 new corona cases reported in the state today)

राज्यात BA.2.75 प्रकारातील 17 रुग्णांसह BA.4 व्हेरिएंटचा एक रुग्ण आणि BA.5 व्हेरिएंटचे 18 रुग्ण आढळले आहेत. राज्यातील सक्रिय रुग्णांची संख्या 15,525 वर पोहचली आहे. राज्यात आज तब्बल तीन रुग्णांचा कोरोनामुळे मृत्यू झाला आहे. यामुळे मृत्यूदर हा 1.84 टक्के इतका झाला. तर आतापर्यंत राज्यामध्ये 78,55,840 कोरोनाबाधित बरे होऊन घरी परतले आहेत. त्यामुळे कोरोना रुग्ण बरे होण्याचं प्रमाण 97.96 टक्के इतकं झालं आहे.

कोरोनाच्या राज्यातील सक्रिय रुग्णांचा विचार करता आज एकूण 15525 सक्रिय रुग्ण आहेत. त्यामध्ये मुंबईत सर्वाधिक म्हणजे 2300 इतके रुग्ण असून त्यानंतर ठाण्यामध्ये 1270 कोरोना रुग्ण सक्रिय आहेत.