मुंबई : राज्यात गेल्या काही दिवसांच्या तुलनेत दिवसभरात कोरोना रुग्ण बरे होण्याच्या प्रमाणात मोठी घट झाली आहे. तर नव्या रुग्णांची कालच्या तुलनेत किंचित वाढ झाली आहे. मात्र, रुग्णांचा मृत्यूदर अद्यापही कमी झालेला नाही. राज्याच्या आरोग्य विभागानं ही माहिती दिली आहे. (COVID19 maharashtra registered 6857 new patients recovery rate declined aau85)

आरोग्य विभागाच्या माहितीनुसार, राज्यात दिवसभरात ६,८५७ नव्या रुग्णांची नोंद झाली तर २८६ जणांचा मृत्यू झाला आहे. त्याचबरोबर ६,१०५ रुग्ण बरे झाले आहेत. त्यामुळे राज्याचा रिकव्हरी रेट ९६.५३ टक्के इतका झाला आहे. तर मृत्यू दर हा २.१ टक्क्यांवर पोहोचला. आजवर राज्यात ६०,६४,८५६ रुग्ण बरे झाले आहेत.

मुंबईतील कोरोनाची स्थिती

मुंबई शहरात दिवसभरात ४०४ नवे रुग्ण आढळले, तर ३८२ रुग्ण बरे झाले आहेत. आजवर शहरातील ७,११,६९७ रुग्ण बरे झाले आहेत. त्यामुळे शहराचा रिकव्हरी रेट ९७ टक्के झाला आहे. शहरात सध्या ५२८० सक्रीय रुग्ण आहेत. तर रुग्ण दुपट्टीचा दर १,३८३ दिवसांवर पोहोचला आहे. तर कोरोनाच्या संसर्गाचा दर हा ०.०५ टक्के झाला आहे.