मुंबई - गेल्या अडीच महिन्यापासून सुरू असलेल्या संपातून (Strike) एसटी कर्मचारी (St Employee) माघार घ्यायला तयार नसल्याने एसटी प्रशासनाकडून आता दैनंदिन बडतर्फीच्या (Suspend) कारणे दाखवा नोटीस (Notice) दिल्या जात आहे. रविवार पर्यंत 5782 एसटी कर्मचाऱ्यांना बडतर्फ का करण्यात येऊ नये यासाठी कारणे दाखवा नोटीस बजवण्यात आल्या आहे. तर 3558 कर्मचाऱ्यांना एसटी प्रशासनाने आतापर्यंत बडतर्फीची कारवाई केली आहे.

राज्यात एसटीची सेवा पूर्ववत सुरू करण्याचा एसटी प्रशासनाचा प्रयत्न आहे. त्यासाठी नुकतेच कंत्राटी 400 आणि निवृत्त आणि स्वेच्छानिवृत्ती घेतलेल्या एसटी कर्मचाऱ्यांना एसटीच्या सेवेत सामावून घेण्यासाठी जाहिरात काढली होती. त्यानुसार आतापर्यंत राज्यभरातील आगरांमध्ये कंत्राटी कर्मचाऱ्यांना नियुक्त केल्या जात असल्याचे एसटी प्रशासनाने सांगितले आहे.

यादरम्यान संपावर असलेले एसटी कर्मचारी कामावर हजर होण्यास तयार असल्यास त्यांनाही हजर करून घेतल्या जात आहे. मात्र, आता कर्मचाऱ्यांच्या अभावामुळे एसटीची सेवा ठप्प राहू नये असा निश्चय एसटी प्रशासनाने घेतला आहे.

त्यामुळेच रविवार पर्यंत राज्यभरात 250 पैकी 219 आगार सुरू झाले असून, सुमारे 6333 बस फे-या धावल्या आहे. तर रविवारी सुद्धा एसटी प्रशासनाने आपली कारवाई सुरूच ठेवत 208 एसटी कर्मचाऱ्यांना बडतर्फ केले असून, एसटी कर्मचारी संपावरच ठाम राहिल्यास आता बडतर्फीच्या करवाईमध्ये वाढ होण्याची शक्यता सुद्धा एसटी प्रशासनाने सांगितले आहे.