रत्नागिरी : पुढील चार दिवसात कोकण (Kokan) किनारपट्टीवर ‘ताऊत ’चक्रीवादळ (Taukae cyclone) धडकणार असून या कालावधीत ताशी 50 किलोमीटर वेगाने वारे वाहण्याची शक्यता आहे. या चक्रीवादळाच्या मार्गाचा आणि तीव्रतेचा पहिला अंदाज जाहीर झाला आहे. पश्चिम महाराष्ट्रासह, (pachim maharashtra) कोकण (kokan) भागात 14 आणि 15 मे रोजी हे याचा प्रभाव दिसणार असल्याचा अंदाज भारतीय हवामान खात्याने (Indian Meteorological department) वर्तवला आहे. वादळ तीव्र ते अतितीव्र स्वरूपाचे असणार आहे. त्यामुळे या प्रदेशातील लोकांनी काळजी घेण्याचे आवाहन करण्यात आले आहे. या वादळामुळे संपुर्ण महाराष्ट्रात (maharashtra) टप्प्याने पाऊस पडणार आहे.

मात्र आता चक्रीवादळाची दिशा बदलली असून आता हे कर्नाटक (karnatak) व महाराष्ट्रा लगतच्या समुद्रातून गुजरातकडे (gujrat) सरकणार आहे. तसेच वादळाचा परिणाम दक्षिण कोकणसह (kokan) गोव्याच्या (goa) किनाऱ्यावरही होण्याची शक्यता आहे. 15 व 16 मे रोजी जोरदार वाऱ्यासह पावसाची शक्यता हवामान विभागाकडून वर्तविण्यात आली आहे.

किनारपट्टीपासून अंदाजे 150 ते 200 किमी अंतरावर या चक्रीवादळाचा केंद्रबिंदू राहणार असल्याचा अंदाज हवामान खात्याने वर्तविला असून वादळाच्या प्रवासात जमिनीवर ताशी 20 ते 25 किमी वेगाने वारे वाहण्याचा अंदाजही वर्तविण्यात आला आहे. यामुळे किनारपट्टीवरील नागरिकांना सतर्कता बाळगण्याचा इशारा प्रशासनाकडून देण्यात येत आहे. दरम्यान लक्षद्वीप बेटाजवळ तीव्र कमी दाबाचे क्षेत्र (डिप्रेशन) तयार झाले असून, पुढील २४ तासांत त्याचे चक्रीवादळात रूपांतर होण्याची शक्यता आहे. अतितीव्र स्वरूपातील हे चक्रीवादळ १८ मे दिवशी सकाळी गुजरात किनारपट्टीजवळ पोचण्याचा अंदाज भारतीय हवामान खात्याने वर्तवला आहे. समुद्रामध्ये मासेमारीकरिता गेलेल्या मच्छिमार बांधवानी तातडीने किना-यावर येण्याच्या सूचना देखील प्रशासनाकडून करण्यात येत आहेत. अरबी समुद्रात कमी दाबाचा पट्टा निर्माण झाल्यामुळे चक्रीवादळाची स्थिती निर्माण झाली आहे.