Cyrus Mistry Accident : टाटा सन्सचे माजी अध्यक्ष सायरस मिस्त्री यांचा रस्ता अपघातात मृत्यू झाला. आता याप्रकरणी पोलिसांनी घटनेवेळी कार चालवणाऱ्या अनाहिता पांडोळे यांच्याविरोधात गुन्हा दाखल केला आहे.
मिस्त्री यांच्या मृत्यूप्रकरणी कासा पोलिसांनी घटनेवेळी गाडी चालवणाऱ्या अनाहिता पांडोळे यांच्याविरुद्ध कलम ३०४ (अ), २७९, ३३६, ३३८ नुसार गुन्हा दाखल केला आहे. अनाहिता यांचे पती दारियस पांडोळे याचा जबाब नोंदवल्यानंतर पोलिसांनी हा गुन्हा दाखल केला असल्याचे पालघरचे एसपी बाळासाहेब पाटील यांनी सांगितले आहे.
पालघर पोलिसांनी दिलेल्या माहितीनुसार, अनाहिता पांडोळे यांच्यावर सध्या रूग्णालयात आयसीयूमध्ये उपचार सुरू आहे. ४ सप्टेंबर रोजी पालघर जिल्ह्यातील एका पुलावर अपघात झाला होता. त्यावेळी डॉ.अनाहिता पांडोळे या गाडी चालवत होत्या. याघटनेत अनाहिता आणि त्यांचे पती दारियस पांडोले गंभीर जखमी झाले होते. तर सायरस मिस्त्रीयांच्यासह दोघांचा मृत्यू झाला होता.
जबाबात नेमकं काय?
अनाहिता यांचे पती पंडोळे यांनी घटनेबाबत पोलिसांना दिलेल्या जबाबात सांगितले की, डॉ. अनाहिता तिसर्या लेनमधून गाडी चालवत होत्या. त्यावेळी समोरील गाडी अचानक तिसर्या लेनमधून दुसऱ्या लेनमध्ये गेली, यादरम्यान त्यांच्या पत्नीनेही कार दुसऱ्या लेनमध्ये नेण्याचा प्रयत्न केला, परंतु त्या लेनमध्ये समोर ट्रक आल्याने गाडी दुसऱ्या लेनमध्ये नेता आली नाही. लेन आणि त्यावेळी रेलिंगला गाडीची जोरदार धडक होऊन भीषण आपघात झाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.