Maharashtra Assembly Interim Budget Session 2024: राज्याचे उपमुख्यमंत्री अजित पवार यांनी आज 2024-25 चा अंतरिम अर्थसंकल्प सादर केला. हा अर्थसंकल्प पुढील चार महिन्यांसाठी सादर केला जात आहे. यावेळी राज्यातील वेगवेगळ्या शहरातील विमानतळांच्या सुरू असलेल्या कामाच्या स्थितीचा आढावा देखील अजित पवार यांनी घेतला. यावेळी कोल्हापूर, छत्रपती संभाजीनगर आणि शिर्डी विमानतळाबद्दलही त्यांनी माहिती दिली.
अहमदनगर येथील शिर्डी विमानतळाचे काम लवकरच सुरू होईल अशी ग्वाही अर्थमंत्री अजित पवारांनी दिली. यासोबतच संभाजीनगर येथील विमानतळासाठी ५०० कोटींची तरतूद तसेच कोल्हापूर विमानतळासाठी आवश्यक निधी दिली जाईल असेही त्यांनी सांगितलं. यासोबतच नवी मु़बई विमानतळाचा पहिला टप्पा मार्च २०२५ पर्यत कार्यन्वीत होणार आहे.
अजित पवार म्हणाले की, अहमदनगर जिल्ह्यातील शिर्डी विमानतळाच्या सुमारे ५० हजार चौरसमीटर अत्याधुनिक एकात्मिक टर्मिनल इमारतीचे काम लवकरच सुरू होईल. छत्रपती छत्रपती संभाजीनगर येथील विमानतळाच्या विस्तारासाठी भूसंपादनासाठी ५७८ कोटी ४५ लाख रुपयांचा निधी मंजूर करण्यात आला आहे. नागपूर येथील मिहान प्रकल्पासाठीच्या भूसंपादन आणि पुनर्वसनासाठी १०० कोटींचा निधी उपलब्ध करण्यात आला आहे.
कोल्हापूर विमानतळाच्या विस्तारासाठी भूसंपदान सुरू असून अवाश्यक निधी उपलब्ध करून दिला जाईल. अमरावती येथील बेलोरा येथील विमानतळाच्या धावपट्टीचे विस्तारीकरण पूर्ण झालं आहे. येथे रात्रीची विमानसेवा सुरू करण्याची कामे सध्या सुरू आहेत.
नवी मुंबई विमानतळाचे काम वेगाने सुरू असून त्याचा पहिला टप्पा मार्च २०२५ पर्यंत कार्यान्वीत होईल असेही अर्थमंत्री अजित पवारांनी यावेळी सांगितलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.