Devendra Fadnavis deputy chief minister press confrence: राज्याचे उपमुख्यमंत्री देवेंद्र फडणवीस यांनी सध्याच्या राज्याच्या वेगवेगळ्या घडामोडींवर भाष्य केले आहे. यावेळी फडणवीस यांनी शिंदे सरकावर फेक नॅरिटिव्ह तयार केले जात असल्याचे म्हटले आहे. याशिवाय राज्यातून जे प्रकल्प बाहेर गेले आहेत यावरही फडणवीस यांनी भाष्य केले आहे. आमच्याविरोधात वेगळ्या प्रकारचे षडयंत्र तयार केले जात असल्याचे त्यांनी म्हटले आहे.

गेल्या काही दिवसांपासून राज्यातील राजकीय वातावरण वेगळ्याच कारणामुळे चर्चेत आले आहे. अपक्ष आमदार बच्चु कडू यांनी तर आपल्यावर सातत्यानं खोके घेतल्याचा आरोप होत असल्याचे म्हटले होते. यावर आता मुख्यमंत्री आणि उपमुख्यमंत्री यांनीच खुलासा करावा अशी त्यांनी मागणी होती. आमदार रवी राणा आणि कडु यांच्यातील वादाच्या पेटलेल्या ठिणगीनं अनेकांचे लक्ष वेधून घेतले होते. यासगळ्या पार्श्वभूमीवर फडणवीस बोलले आहेत.

देवेंद्र यांनी घेतलेल्या एका पत्रकार परिषदेमध्ये थेटपणे भूमिका मांडत आपल्या बोलण्यावर कडु हे गुवाहाटीला गेल्याचे म्हटले आहे. त्यामुळे ज्या गोष्टींवरुन वाद रंगला होता त्याच्याशी संबंधित एक मोठी घडामोड समोर आली आहे. मी फोन केला आणि आमदार बच्चु कडू हे गुवाहाटीला गेले. असे फडणवीस यांनी सांगताच वेगवेगळ्या चर्चेला उधाण आल्याचे सोशल मीडियावर दिसून आले आहे.