राज्याचे उपमुख्यमंत्री आणि गृहमंत्री देवेंद्र फडणवीस आज दिल्ली दौऱ्यावर असणार आहेत. भाजपच्या केंद्रीय निवडणूक समितीची आज बैठक आयोजित करण्यात आली आहे. याच बैठकीसाठी फडणवीस दिल्ली दौऱ्यावर असणार आहेत. या निवडणूकीच्या दरम्यान पोटनिवडणूक उमेदवारांची निवड आणि रणनीती या विषय़ीच्या चर्चेची शक्यता वर्तवली जात आहे.

भाजपच्या केंद्रीय निवडणूक समितीचे देवेंद्र फडणवीस सदस्य आहेत. तर या बैठकीत आगामी निवडणूकींची चर्चा होण्याची शक्यता देखील वर्तवण्यात येत आहे. पंरतु पोटनिवडणूक आणि उमेदवार निवडीच्या रणनीतीवर चर्चा होण्याची शक्यता आहे. देवेंद्र फडणवीस यांच्या या दिल्ली दौऱ्याकडे सर्वांचं लक्ष लागलं आहे.

आगामी लोकसभा निवडणूकीसाठी भाजपने तयारी सुरू केली आहे. त्यासोबतच इतर पाच राज्यांच्या पोटनिवडणूका जाहीर झालेल्या आहेत. त्याच पार्श्वभुमीवर भाजपच्या केंद्रीय निवडणूक समितीने आज दिल्लीत बैठक बोलावली आहे. राज्यातुन उपमुख्यमंत्री देवेंद्र फडणवीस जाणार आहेत.

तर मुख्य कारण म्हणजे आगामी लोकसभा निवडणूकीसाठी राज्यात कशी तयारी करण्यात आली आहे. कशा पद्धतीने काम सुरू आहे. कशा प्रकारे जनतेपर्यंत पोहचले जात आहे. यासंबधीची माहिती या बैठकीत दिली जाण्याची शक्यता आहे. आगामी विधानसभा निवडणूका, मुंबई निवडणूक, स्थानिक स्वराज्य संस्था निवडणूका यामध्ये भाजप कशी तयारी करते याची माहिती देण्याची शक्यता आहे.

तर राज्यात जे सत्ता समीकरण झालं. अजित पवार गट भाजप सोबत आला त्या गटामुळे किती फायदा होतो. याचा देखील या बैठकीत आढावा घेण्याची शक्यता आहे.