मुंबई : मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी आज पत्रकार परिषद घेत पेट्रोल 5 आणि डिजेल 3 रुपयांनी स्वस्त करण्याच्या घोषणेसह इतरही अनेक घोषणा केल्या.दरम्यान या पत्रकार परिषदेत फडणवीस यांनी एकनाथ शिंदे यांना एक चिठ्ठी सरकावली त्यावरुन आता चर्चांना उधाण आलं आहे.

आज झालेल्या पत्रकार परिषदेत मुख्यमंत्री बोलत असताना शेजारी बसलेल्या उपमुख्यमंत्री देवेंद्र फडणवीस यांनी खिशाला लावलेला पेन काढला आणि काहीतरी एका चिठ्ठीवर लिहिलं आणि हळूच ही चिठ्ठी मुख्यमंत्र्यांच्यासमोर केली, त्यामुळे त्या चिठ्ठीत नेमकं होतं काय अशी जोरदार चर्चा सध्या सुरू झाली आहे. व्हिडीओमध्ये चिठ्ठी दिल्याचा प्रसंग ८ मिनीटं ३५ सेकंदांनंतर पाहू शकता.

अजित पवार यांनी देखील शिंदे-फडणवीस सरकारवर खोचक शब्दात टीका केलीय पत्रकार परिषद सुरू असताना मुख्यमंत्री एकनाथ शिंदेंसमोरील माईक स्वत:कडे खेचणाऱ्या उपमुख्यमंत्री देवेंद्र फडणवीसांबद्दल बोलताना पवार म्हणाले की, अडीच वर्षात आम्ही कधी माईक कधी खेचला नाही. मी कधीच उद्धवजींसमोरचा माईक खेचून स्वत:कडे घेतला नाही. ही तर सुरुवात आहे. आत्तापासून ओढाओढी असेल तर महाराष्ट्राने हे पाहावं, असे ते म्हणाले आहेत.