मुंबई - दिल्लीत झालेल्या श्रद्धा हत्याकांडांने देशाला हदरवून टाकले आहे. या बहुचर्चित हत्याकांडातील आरोपी आफताब पूनावालाच्या पोलीस कोठडीत 4 दिवसांची वाढ करण्यात आली आहे. यादरम्यान श्रद्धाचा दोन वर्षापूर्वीच एक पत्र पोलिसांच्या हाती लागलं असून यावरून आता गृहमंत्री देवेंद्र फडणवीसांना महत्त्वपूर्ण विधान केल असून या प्रकरणाचा चेंडू आता महविकास आघाडीकडे टोलवला आहे.

हेही वाचा Elon Musk Takeover Twitter : ट्विटरची टिवटिव थांबणार का?

2020 मध्ये श्रद्धाने वसई पोलिसांकडे आफताबविरोधात लेखी तक्रार केली होती. या तक्रारीमध्ये श्रद्धानं आफताब ब्लॅकमेल करायचा, शिवीगाळ करुन मला मारायचा, गळा दाबून हत्या करण्याचाही प्रयत्न केला अशी तक्रार श्रद्धाने यात दिली होती. माझी हत्या करुन तुकडे करेल अशी धमकीही आफताबनं दिल्याचं श्रद्धाच्या तक्रारीत म्हटले होते. हे पत्र 28 नोव्हेंबर 2020 रोजीचे आहे.

यावरून देवेंद्र फडणवीस म्हणाले की, मी ते पत्र पाहिले (2020 मध्ये श्रद्धाने पोलिसांकडे केलेली तक्रार) आणि त्यात खूप गंभीर आरोप आहेत. या प्रकरणी तेव्हा कारवाई का झाली नाही याची चौकशी करावी लागेल. मला कोणावरही आरोप करायचा नाही पण अशा पत्रावर कारवाई झाली नाही, त्यानंतर ही घटना घडली. त्याची चौकशी केली जाईल. त्यावेळी कारवाई केली असती तर कदाचित श्रद्धाला वाचवता आले असते, असंही फडणवीसांनी म्हटलं.

याआधी भाजपचे नेते आशिष शेलार यांनी देखील तत्कालीन मुख्यमंत्री उद्धव ठाकरे यांच्यावर हल्लाबोल केला. महाराष्ट्र पोलिसांनी या पत्राची दखल का घेतली नाही? पोलिसांवर कोणाचा दबाव होता का?" असा सवाल शेलारांनी केला आहे.