शिवसेनेतल्या अभूतपूर्व बंडानंतर सेनेला मोठा धक्का बसला आहे. या धक्क्यातून सावरण्यासाठी आता आदित्य ठाकरेंसह उद्धव ठाकरेही कामाला लागले आहेत. संजय राऊतांच्या कोठडीमुळे शिवसेना आणखी कोंडीत सापडली आहे. अशातच त्यांच्या संभाजी ब्रिगेडसोबतच्या युतीच्या घोषणेमुळे राजकीय पक्षांतून प्रतिक्रिया उमटू लागल्या आहेत.

उपमुख्यमंत्री आणि राज्याचे गृहमंत्री देवेंद्र फडणवीस यांनी यावर प्रतिक्रिया दिली आहे. शिवसेना संभाजी ब्रिगेड युतीबद्दल विचारणा केली असता, फडणवीसांनी आपण केवळ एका वाक्यात उत्तर देणार असं सांगितलं. विनाशकाले विपरीत बुद्धी अशी प्रतिक्रिया फडणवीसांनी यावर दिली आहे.

शिवसेनेतल्या बंडानंतर पक्षाच्या पुनर्बांधणीसाठी सध्या उद्धव आणि आदित्य ठाकरेंकडून प्रयत्न सुरू आहे. अशातच उद्धव ठाकरेंनी काल संभाजी ब्रिगेडसोबत युती करण्याची घोषणा केली. त्यानंतर राज्याच्या राजकारणातून विविध प्रतिक्रिया उमटत आहे. प्रादेशिक अस्मिता आणि संविधानासाठी आपण ही युती केली असल्याचं उद्धव ठाकरेंनी सांगितलं.