मुंबई : राज्याचे विरोधीपक्ष नेते देवेंद्र फडणवीस (Devendra Fadnavis) यांनी आज विधीमंडळाच्या अर्थसंकल्पीय अधिवेशनात पुन्हा एका पेन ड्राईव्ह ब़ॉम्ब (Pen drive Bomb) फोडला आहे. फडणवीसांनी आज पुन्हा एकदा आज एक पुरावा सादर करत, महाविकास आघाडीचे मंत्री नवाब मलिक आणि वक्फ बोर्डावर गंभीर आरोप केले आहे. मात्र नवाब मलिक यांची मुलगी सना मलिक यांनी हे आरोप फेटाळून लावत फडणवीसांवर गंभीर आरोप केले आहे.

फडणवीसांनी सादर केलेल्या पेन ड्राईव्हमध्ये दोन पात्र आहेत. दोन पात्रांमधील संवादातून एकाचा दाऊदशी संबंध असल्याचं दिसून येतंय. यातील डॉ. मुदसैर लांबे (Mudassir थambe) यांना नवाब मलिक (Nawab Malik) यांनी वक्फ बोर्डावर (Waqf Board) नियुक्त केलं असून, तो दाऊदचा (Dawood Ibrahim) माणूस असल्याचा आरोप फडणवीसांनी केला आहे. त्यानंतर सना मलिक यांनी त्यांना उत्तर दिलं आहे. तसंच दाऊदशी संबंध असलेल्या आरोपीचा फडणवीसांसोबतचा व्हिडिओ सना मलिक यांनी ट्विट केला आहे.

काय म्हणाल्या सना मलिक?

"डॉ. लांबे यांची 13 सप्टेंबर 2019 रोजी फडणवीस/भाजप सरकारने वक्फ बोर्ड सदस्य म्हणून नियुक्ती केली होती. महाविकास आघाडी सरकारची स्थापना नोव्हेंबर 2019 मध्ये झाली. माझ्या वडिलांना जानेवारी 2020 च्या पहिल्या आठवड्यात अल्पसंख्याक विभागाचा पदभार स्विकारला. तेव्हाच त्यांना वक्फ बोर्ड विभाग मिळाला. देवेंद्र फडणवीस डी-गँगच्या नातेवाईक आणि बलात्काराचा आरोप असलेल्या आरोपीसह" असं म्हणत सना मलिक यांनी हे ट्विट आहे. दरम्यान, या आरोपांनंतर देवेंद्र फडणवीस आता नेमकं काय उत्तर देणार हे पाहणं महत्वाचं ठरणार आहे.