राष्ट्रवादीचे नेते धनंजय मुंडे यांना आज रुग्णालयातून डिस्चार्ज मिळाला आहे. यावेळी रुग्णालयातून बाहेर येतानाचा त्यांचा व्हिडीओ सध्या व्हायरल होत आहे. यावेळी त्यांच्यासोबत त्यांचे काही समर्थकही आहेत.
काही दिवसांपूर्वी धनंजय मुंडे यांच्या गाडीला अपघात झाला होता. मतदारसंघातले कार्यक्रम संपवून धनंजय मुंडे परळीकडे परतत असताना हा गाडीवरचं नियंत्रण सुटल्याने हा अपघात झाला होता. यामध्ये त्यांच्या छातीला मार लागला होता.
अपघातानंतर मुंबईच्या रुग्णालयामध्ये त्यांच्यावर उपचार सुरू होते. अखेर आज त्यांना डिस्चार्ज देण्यात आला. डिस्चार्ज घेऊन रुग्णालयातून बाहेर पडतानाचा त्यांचा व्हिडीओ आता समोर आला आहे. यामध्ये त्यांनी छातीला एक पट्टा बांधला आहे. चालण्यातून अजूनही थोडा त्रास असल्याचंही दिसत आहे. त्यांच्यासोबत त्यांचे काही समर्थकही आहेत.
धनंजय मुंडे रुग्णालयात असताना मुख्यमंत्री एकनाथ शिंदे यांच्यासह अनेक नेत्यांनी रुग्णालयात जाऊन त्यांची भेट घेतली. तसंच तब्येतीची विचारपूसही केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.