कल्याण - कल्याणमधील ‘अक्षररंग’ आणि ‘श्री कला मंडळा’च्या वतीने आयोजित या वर्षीच्या अक्षररंग राज्यस्तरीय दिवाळी अंक स्पर्धेत ‘सकाळ साप्ताहिक’ दिवाळी अंकाने तृतीय क्रमांक पटकाविला.

ताज्या बातम्यांसाठी डाऊनलोड करा ई-सकाळचे ऍप 

‘अक्षररंग’ आणि ‘श्री कला मंडळा’तर्फे गेल्या अनेक वर्षांपासून दिवाळी अंकांसाठी राज्यस्तरीय स्पर्धा आयोजित करण्यात येत आहे. या वर्षीच्या स्पर्धेचा निकाल नुकताच जाहीर करण्यात आला. यात प्रथम क्रमांकावर ‘गंधाली’ आणि ‘आश्‍लेषा’, द्वितीय क्रमांकावर ‘सुभाषित’ तसेच ‘हास्यधमाल’, तर तृतीय क्रमांकावर ‘सकाळ साप्ताहिक’ आणि ‘अर्थशक्ती’ या दिवाळी अंकांनी बाजी मारली. 

पुणेकरांनो, व्हेज-नॉनव्हेज पदार्थांवर ताव मारण्याची संधी; पाहा कुठे?

सर्वोत्कृष्ट दिवाळी अंक म्हणून ‘अधोरेखित’ची, उत्कृष्ट दिवाळी अंक म्हणून ‘कलामंच’ची निवड करण्यात आली. तसेच, उत्तेजनार्थ म्हणून ‘वाचकसेतू’, ‘पाणिनी’ या दिवाळी अंकांचा सन्मान करण्यात आला. या स्पर्धेचा पारितोषिक वितरण सोहळा रविवारी (ता. १५) पार पडला. या वेळी कार्यक्रमाचे अध्यक्ष म्हणून विद्याधर देशपांडे व प्रमुख पाहुणे म्हणून अरविंद बुधकर उपस्थित होते. परीक्षकांतर्फे मनोगत व अंकांच्या निवडीमागील भूमिका किरण जोगळेकर यांनी मांडली.

विजेत्या दिवाळी अंकांसाठी स्मृतिचिन्ह व प्रमाणपत्र देण्यात आले. विद्याधर देशपांडे यांनी आभार मानले.