नागपूरः आता तुम्ही मंदिरांमध्ये हवे तसे कपडे परिधान करुन जावू शकत नाहीत. काही विशिष्ट कपड्यांना महाराष्ट्र मंदिर महासंघाने कडाडून विरोध केला आहे. नागपूरमधून ही सुरुवात झालीय.

महाराष्ट्र मंदिर महासंघाचे समन्वयक सुनिल घनवट यांनी सांगितलं की, महाराष्ट्र मंदिर परिषद संपन्न झाली, त्यामध्ये काही महत्त्वाचे निर्णय घेण्यात आले. यामध्ये मंदिर सुव्यवस्थापन, स्वच्छता, पावित्र्य आणि वस्त्र संहिता म्हणजेच ड्रेस कोड लागू करण्याचा निर्णय घेण्यात आला. महाराष्ट्रातल्या अनेक विश्वस्तांनी या निर्णयाला समर्थन दिलेलं आहे.

आता नागपूरच्या श्री गोपाल कृष्ण मंदिरामध्ये वस्त्रसंहिता लागू करण्यात आलेली आहे. त्यानुसार फाटलेली जीन्स, स्कर्ट आणि अंगप्रदर्शन करणारे कपडे घालून मंदिरात प्रवेश करता येणार नाही. नागपूरपाठोपाठ संपूर्ण राज्यामध्ये हा निर्णय घेण्यात येत आहे. महाराष्ट्र मंदिर महासंघाने वस्त्रसंहितेचा निर्णय जाहीर केलीय.