INS Vikrant च्या निधी घोटाळ्याप्रकरणी भाजपाचे नेते सोमय्यांच्या अडचणीमध्ये वाढ झालीय. कारण आर्थिक गुन्हे शाखेकडून सोमय्यांना नोटीस बजाण्यात आलीय. मुंबई आर्थिक गुन्हे शाखेची टिम सोमय्यांच्या मुंलूंडमधील कार्यालयात पोहोचलीय. उद्या आर्थिक गुन्हे शाखेत चौकशीसाठी हजर राहण्याबाबत समन्स बजावला जाणार असल्याची माहीती समोर येतेय. विक्रांत निधी अपहार प्रकरणी जामीन नाकारल्यानंतर सोमय्या नॉट रिचेबल आहेत. मुंबई पोलिस त्यांचा शोध घेत आहेत. तर या प्रकरणाचा तपास करणाऱ्या इकोनॉमिक ओफेन्स विंग देखील सोमय्यांच्या मागावर आहेत. किरीट सोमय्या आणि त्यांचा मुलगा नील सोमय्या यांना ही नोटीस बजावण्यात आली. उद्या जर सोमय्या हजर राहिले नाही तर मोठी कारवाई होण्याची शक्यता वर्तविण्यात आलीय.

१३ तारखेनंतर पोलिसांसमोर हजर राहण्याविषयी किरीट सोमय्यांनी सांगितलं होतं. मात्र जर सोमय्या आर्थिक गुन्हे शाखेच्या कार्यालयात उद्या पोहोचले तर मुंबई पोलिस त्यांना अटक करु शकतात. दरम्यान शिवसेना नेते संजय राऊत यांनी, सोमय्यांनी जर काही गुन्हा केला नाही तर ते का हजर होत नाही असा प्रश्न उपस्थित केलाय. तर भाजपाचे नेते प्रविण दरेकर यांनी सोमय्या धाडसी नेते असून १०० टक्के चौकशीला उपस्थित राहतील असं एका वृत्तवाहिनीला प्रतिक्रिया देताना सांगितलं, संजय राऊतांनी गृहमंत्र्यावर दबाव टाकत कारवाई करण्यास भाग पाडल्याचा आरेप त्यांनी केलाय.