संजय राऊत यांना ईडीने सोमवारी समन्स (Sanjay Raut summoned by ED) बजावलं होतं. 28 जूनला म्हणजे आज चौकशीसाठी हजर राहाण्याचे आदेश ईडीने दिले होते. मात्र, राऊतांनी वकीलामार्फत वेळ मागितला. त्यावर कोर्टाने त्यांना दिलासा दिला आहे.

पत्रा चाळ जमीन घोटाळा प्रकरणी संजय राऊत यांना ईडीने समन्स बजावले आहे. यापूर्वी ईडीने त्यांच्या काही मालमत्ता जप्त केल्या होत्या. मात्र, आज अलिबागमधील आपल्या आयोजित सभेमुळे संजय राऊत या चौकशीला हजर राहू शकले नाहीत.

इडीने राऊतांना तुर्तास वेळ दिला असून १ जुलै रोजी हजर राहण्याचे समन्स बजावले आहे.

संजय राऊत यांचे वकील वेळ मागण्यासाठी ईडीच्या कार्यालयात गेले होते. कार्यालयातून बाहेर आल्यावर त्यांनी याबाबतची माहिती दिली. संजय राऊत यांचे वकील विकास यांनी म्हटलं की ईडीने काल संजय राऊत यांना समन्स बजावलं होतं. मात्र, ते संजय राऊत यांना खूप उशिराने मिळालं.

ईडीने काही कागदपत्रही मागवले होते. मात्र, इतक्या कमी वेळात ही कागदपत्र जमा करणं कठीण होतं. त्यामुळे आम्ही ईडीकडे वेळ मागितला. यासाठी ईडीने वेळ वाढवून दिला असल्याचंही त्यांनी सांगितलं. समोर आलेल्या माहितीनुसार आता ईडीने संजय राऊत यांना 1 जुलैला चौकशीसाठी बोलावलं आहे