राष्ट्रवादीचे नेते एकनाथ खडसे आणि शिंदे गटातील आमदार गुलाबराव पाटील यांच्यात समझोता झाल्याची माहिती समोर आली आहे. दोन्ही नेत्यांमधील एक खटला न्यायालयात सुरु होता. मात्र आता या दोन नेत्यात तडजोड झाल्याने हा खटला मागे घेण्यात आला आहे.
मिळालेल्या माहितीनुसार, विद्यामान पालकमंत्री गुलाबराव पाटील यांनी २०१६ साली केलेल्या वक्त्यव्याविरोधात न्यायालयात अब्रुनुकसानीचा दावा करण्यात आला होता. गुलाबराव पाटील यांनी खडसे यांच्यावरिल भ्रष्टाचाराच्या आरोपांसंबंधीत एक वक्तव्य केलं होतं. यावरून हा खटला दाखल करण्यात आला होता. आता या प्रकरणात समेट झाल्याची माहिती समोर आली आहे. न्यायलयात सुरू असलेल्या या खटल्यात दोन्ही नेत्यांनी तडजोड करून हे प्रकरण मिटवण्यात आलं आहे.
जळगावात मुख्यमंत्र्यांना दाखवणार काळे झेंडे!
एकीकडे एकनाथ खडसे यांनी एकनाथ शिंदे गटातील नेते गुलाबराव पाटील यांच्याशी समझोता केला आहे, मात्र आज जळगावातील कार्यक्रमात मुख्यमंत्री शिंदे यांना काळे झेंडे दाखवण्यावर ते ठाम आहेत.
आज जळगावमध्ये शिंदे-फडणवीस सरकारकडून शक्तीप्रदर्शन केलं जात आहे. सरकार आपल्या दारी हा कार्यक्रम जळगावमध्ये होणार आहे. दरम्यान या कार्यक्रमात एकनाथ खडसे मुख्यमंत्री एकनाथ शिंदे यांना काळे झेंडे दाखवण्यावर ठाम आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.