मुंबई - शिवसेना पक्षप्रमुख उद्धव ठाकरे आणि शिवसेनेच्या नेत्यांकडून एकनाथ शिंदे गटावर वारंवार हल्लाबोल करण्यात येत असून गद्दार म्हणून संबोधलं जातं. याला आता एकनाथ शिंदे गटाकडून प्रत्युत्तर देण्यात आला असून प्रवक्ते दीपक केसरकर यांनी शिवसेनेवर हल्लाबोल केला. (Shinde Group news in Marathi)

केसरकर म्हणाले की, मुख्यमंत्री परदेशात गेले की, इतरांकडे मुख्यमंत्रीपदाचा चार्ज देण्यात येतो. मग जर उद्धव ठाकरे आजारी असताना मुख्यमंत्रीपदाचा चार्ज दुसऱ्या कोणाकडे का दिला नाही. विश्वास ठेवला असता तर तुम्ही विश्वासघात केला असं म्हणू शकता. अन्यथा तुम्हाला विश्वासघातकी म्हणण्याचा अधिकार नाही.

ज्या माणसाने संपूर्ण आयुष्य तुमच्यासाठी वेचलं, त्याला तुम्ही मुख्यमंत्रीपद देऊ असं बोललात. तेव्हा ते म्हणाले की मला मुख्यमंत्रीपद नकोय. आम्ही ४० आमदारांनी सांगितलं होत की, राष्ट्रवादी काँग्रेस आणि काँग्रेससोबतची आघाडी तोडा. पण तुम्ही ऐकल नाही. आम्ही गुवाहाटीवरून परत येण्यास तयार होतो. पण ऐकल नाही.

दरम्यान आम्ही युती करत नाही, तोपर्यंत आम्हाला सांगा. पण तोपर्यंत सांगितलं नाही. युती झाली की दोन पक्षाचा प्रश्न येतो. आता भाजपसोबत आमची युती आहे. शिवसेनेसोबत आत्मियता होती. म्हणून मी आलो. मला पंतप्रधान नरेंद्र मोदींकडून ऑफर होती, असंही केसरकर यांनी म्हटलं. यावर पुन्हा बोलेल पण एकनाथ शिंदे यांना गद्दार किंवा विश्वासघातकी म्हणणं आम्ही मान्य करणार नाही, असा इशाराही केसरकर यांनी दिला.