मुंबई - माजी पंतप्रधान दिवंगत राजीव गांधी यांची आज जयंती. त्यांची जयंती देशभरात सद्भावन दिन म्हणून साजरी करण्यात येते. या निमित्ताने प्रतिज्ञा देण्यात येते. ते मंत्रालयात नसल्यामुळे सकाळी अजित पवार यांनी राजीव गांधी यांच्या जयंती निमित्त प्रतिज्ञा दिली होती. त्यानंतर मुख्यमंत्री एकनाथ शिंदे यांनी वर्षा निवासस्थानी राजीव गांधी यांच्या जयंतीनिमित्त त्यांच्या प्रतिमेस पुष्पहार अर्पण करुन उपस्थितांना सद्भावना प्रतिज्ञा दिली.

जयंतीनिमित्त साजऱ्या करण्यात येणाऱ्या सद्भावना दिनानिमित्ताने मुख्यमंत्र्यांनी उपस्थितांना सद्भावना प्रतिज्ञा दिली. ‘वर्षा’ शासकीय निवासस्थानी आयोजित कार्यक्रमास खासदार भावना गवळी, आमदार अनिल बाबर, संजय शिरसाट, अभिमन्यू पवार आदी उपस्थित होते.

दरम्यान, मंत्रालयामध्येही मुख्यमंत्री शिंदे यांनी जयंतीनिमित्त दिवंगत राजीव गांधी यांच्या प्रतिमेला पुष्प अर्पण करून अभिवादन केले.