नवी दिल्ली : मुख्यमंत्री एकनाथ शिंदे यांच्या बाळासाहेबांची शिवसेना पक्षाला धनुष्यबाण चिन्हासह पक्षाचं नाव मिळालं आहे. निवडणूक आयोगाने हा निर्णय दिला आहे. त्यामुळे राजकीय वर्तुळात एकच खळबळ उडाली आहे. उद्धव ठाकरे गटाला हा मोठा धक्का मानला जात आहे.

ठाकरे गटाची पहिल्यापासून अशी मागणी होती की, आम्हाला आमचे चिन्ह देण्यात यावे. मात्र तसे झाले नाही. त्यांच्यावतीनं महेश जेठमलानी यांनी निवडणूक आयोगात युक्तिवाद केला होता. तर शिंदे यांच्या वतीनं ज्येष्ठ विधिज्ञ हरिष साळवे यांनी बाजु मांडली होती.

याशिवाय शिवसेना नाव देखील एकनाथ शिंदे गटाला मिळाले आहे. यामुळे उद्धव ठाकरे यांना मोठा धक्का बसल्याचे बोलले जात आहे. पक्षाचे नाव आणि चिन्ह हे दोन्हीही शिंदे यांना मिळाल्यानं आता वेगवेगळ्या चर्चांना उधाण आले आहे. राज्याच्या राजकारणाला मोठं वळण देणारा निर्णय निवडणूक आयोगाने दिला आहे.