शेतकऱ्यांच्या शेतावर फवारणी प्रात्यक्षिके राबविण्यासाठी शेतकरी उत्पादक संस्थांना ड्रोन खरेदीसाठी साडेसात लाख रुपयांचे अनुदान दिले जाणार
पुणे - राज्यातील शेती क्षेत्रात (Agriculture Field) ड्रोनच्या वापरास (Drone Use) प्रोत्साहन देण्यासाठी कृषी यांत्रिकीकरण उपअभियानांतर्गत ड्रोन तंत्रज्ञान (Drone Technology) आधारित फवारणी प्रात्यक्षिके राबविण्यासाठी कृषी यंत्रे व अवजारे तपासणी संस्था, भारतीय कृषी संशोधन परिषदेशी संलग्न संस्था, कृषी विज्ञान केंद्र, शेतकरी उत्पादन संस्था व कृषी विद्यापीठे आदींना ड्रोन खरेदीसाठी प्रती ड्रोन दहा लाख रुपयांचे अनुदान उपलब्ध करून देण्यात येणार आहे.
याशिवाय शेतकऱ्यांच्या शेतावर फवारणी प्रात्यक्षिके राबविण्यासाठी शेतकरी उत्पादक संस्थांना ड्रोन खरेदीसाठी साडेसात लाख रुपयांचे अनुदान दिले जाणार आहे. यामुळे विविध कृषी संस्था आणि शेतकरी उत्पादक संस्थांकडून शेतकरी भाडेतत्वावर हे ड्रोन घेऊ शकणार आहेत. परिणामी राज्यातील शेतकरी आता हायटेक होऊ शकणार आहेत.
राज्यात विभाग व हंगामनिहाय विविध प्रकारची पिके घेण्यात येतात. या पिकांवर येणाऱ्या कीड व रोगाचा प्रादुर्भाव रोखण्यासाठी शेतकऱ्यांकडून कीड व रोग नाशक आणि वाढीसाठी आवश्यक मूलद्रव्यांची फवारणी करण्यात येते. सद्यःस्थितीत मजुराद्वारे किंवा ट्रॅक्टरचलित पंपाद्वारे फवारणी केली जात आहे. यावर ड्रोनद्वारे फवारणीचा पर्याय पुढे आला आहे. ड्रोनद्वारे फवारणीच्या सेवा उपलब्ध होण्यासाठी केंद्र सराकरने नुकत्याच मार्गदर्शक सूचना दिल्या आहेत. यासाठी इच्छुक कृषी संस्थांनी येत्या ३१ मार्चपर्यंत प्रस्ताव सादर करावेत, असे आवाहन कृषी संचालक (निविष्ठा व गुणनियंत्रण) दिलीप झेंडे यांनी केले आहे.
.... तर हेक्टरी सहा हजारांचे अनुदान
ज्या कृषी संस्था ड्रोन खरेदी करू शकणार नाहीत, अशा संस्था ड्रोन भाड्याने घेऊन, त्याद्वारे शेतकऱ्यांच्या शेतावर प्रात्यक्षिके राबवू शकणार आहेत. अशा कृषी संस्थांना प्रती हेक्टरी सहा हजार रुपये तर, ड्रोन खरेदी करून प्रात्यक्षिके राबविणाऱ्या कृषी संस्थांना किरकोळ खर्चासाठी प्रती हेक्टरी ३ हजार रुपये अनुदान देण्यात येणार आहे.
कृषी पदवीधरांना ड्रोनसाठी पाच लाख रुपये
दरम्यान, सध्या अस्तित्वात असलेल्या सेवा सुविधा केंद्रांना ड्रोनच्या मूळ किमतीच्या ४० टक्के म्हणजेच ४ लाख रुपयांचे, नव्याने सेवा सुविधा केंद्र स्थापित करू इच्छिणाऱ्या सहकारी संस्था, शेतकरी उत्पादक संस्था किंवा ग्रामीण नवउद्योजक आणि यासाठी पुढाकार घेणाऱ्या कृषी पदवीधरांना ड्रोन खरेदीसाठी ५० टक्के म्हणजेच ५ लाख रुपयांचे अनुदान दिले जाणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.