बुलढाणा : राज्यात आज 32 जिल्ह्यातील 105 नगरपंचायत निवडणुकांसाठी (Nagar Panchayat Election) मतदान होत आहे. दरम्यान, बुलढाणा (Buldhana) जिल्ह्यातील जलंब ग्रामपंचायतीच्या (Jalamb Gram Panchayat) पोटनिवडणुकीसाठी (Election Updates) आज मतदान सुरुय. याचवेळी केंद्रावर जलंब येथे दोन गटात तुंबळ हाणामारी झाली असून यात चार जण गंभीर जखमी झाल्याचे समजते. या जखमींवर शेगाव (Shegoan) येथील शासकीय रुग्णालयात उपचार सुरू आहेत.

राज्यात आज जिल्हा परिषदेच्या (Zilla Parishad Election) 39, तर पंचायत समितीच्या (Panchayat Committee) 79 निर्वाचक गणांसाठी मतदान होत आहे. एकूण, 7 लाख 68 हजार 866 मतदार मतदानाचा हक्क बजावणार असून 1322 मतदान केंद्रावर मतदान होणार आहे. शिवाय, आज 32 जिल्ह्यातील 105 नगरपंचायत निवडणुकांसाठीही (Nagar Panchayat Election) मतदान होत आहे. स्थानिक स्वराज्य संस्थांमध्ये ओबीसींच्या राजकीय आरक्षणाशिवाय (OBC Political Reservation) ही निवडणूक पार पडत आहे.

जलंब येथे आज सकाळपासून ग्रामपंचायतीच्या (Grampanchayat) एका जागेसाठी मतदान सुरू झाले. सकाळीच दोन गटात सुरुवातीला बाचाबाची झाली आणि नंतर अचानक एका गटाने दुसऱ्या गटावर हल्ला केला. त्यांच्यात तुंबळ हाणामारी झाली. सध्या गावात पोलिसांनी मोठा बंदोबस्त लावलाय. दरम्यान, बुलडाणा जिल्ह्यातील दोन नगरपंचायतीसाठी मतदान सुरू झालेय. मोताळा व संग्रामपूर या दोन नगरपंचायतीच्या निवडणुका होत आहेत. भाजप (BJP), शिवसेना (Shivsena), काँग्रेस (Congress) व राष्ट्रवादी काँग्रेस (NCP) या चारही पक्षाची सरळ लढत आहे.