मनी लॉंड्रिंग आणि 100 कोटी रुपयांच्या वसुली प्रकरणात ईडीने आणि सीबीआयने राज्याचे माजी गृहमंत्री आणि राष्ट्रवादी काँग्रेसचे नेते अनिल देशमुख यांना अटक केली होती. त्यानंतर काही दिवसांपूर्वी अनिल देशमुख यांना मुंबई उच्च न्यायालयाने ईडीच्या केसमध्ये दिलेल्या जामिन दिला आहे. मुंबई उच्च न्यायालयाने दिलेल्या जामिनाच्या आधारावर अनिल देशमुख यांनी मुंबई सत्र न्यायालयातील विशेष सीबीआय कोर्टामध्ये जामिनासाठी धाव घेतलीय.

दोन्ही गुन्हे एकाच प्रकरणाशी संबंधित असल्याचा दावा जामीन अर्जात करण्यात आलाय. या अर्जावर कार्यालयीन प्रक्रिया पूर्ण होऊन रीतसर जामीन अर्ज दाखल करण्यात येणार आहे. दोन्ही केस एकाच प्रकरणाशी संबधित असल्याचा दावा करण्यात आला आहे.

मनी लॉंड्रिंग आणि 100 कोटी रुपयांच्या वसुली प्रकरणात ईडीने आणि सीबीआयने अनिल देशमुख यांच्यावर वेगवेगळे गुन्हे दाखल केले होते. अनिल देशमुख यांना ईडीने 2 नोव्हेंबर 2021 रोजी अटक केली होती.