मायणी (सातारा) : पडळ (ता. खटाव) येथील साखर कारखान्यावर (Padal Sugar Factory) सुमारे वर्षभरापूर्वी (११ मार्च) झालेल्या मारहाणीत एका कामगाराचा उपचारादरम्यान मृत्यू झाला होता. त्याप्रकरणी अटकेत असलेल्या माजी आमदार प्रभाकर घार्गे (Prabhakar Gharge) यांनी जामिनासाठी सत्र, जिल्हा, उच्च न्यायालयाची दारे ठोठावली. मात्र, जामीन नाकारण्यात आला.

अखेर आज (सोमवार) सर्वोच्च न्यायालयाकडून (Supreme Court) घार्गे यांना जामीन मंजूर करण्यात आला. दरम्यान, जामीन मिळाल्याचे वृत्त संपूर्ण जिल्हाभर वाऱ्यांसारखे पसरले आणि खटाव तालुक्यासह सातारा जिल्ह्यातील घार्गे यांच्या समर्थकांत आनंदी वातावरण निर्माण झालंय.