मुंबई - महाराष्ट्रातील प्रसिद्ध नृत्यांगणा गौतमी पाटील हिच्या प्रत्येक कार्यक्रमाला चाहत्यांची मोठी गर्दी होती. गौतमीला अनेक कार्यक्रमात प्रेक्षकांच्या हुल्लडबाजीला देखील सामोरं जावं लागतं. एका चाहत्याने तिला थेट लग्नाची मागणी घातली होती. यावर तिने प्रतिक्रिया देताना लग्नासाठीची अटही सांगितलं. एबीपी माझावरील एका मुलाखतीत ती बोलत होती.

यावेळी गौतमीला लग्नाबाबत विचारण्यात आलं. तसेच तुला कसा जोडीदार हवा, असाही प्रश्न विचारला. त्यावर ती म्हणाली, मी सध्या तरी लग्नाचा विचार करत नाहीये. तसेच आपण अरेंज मॅरेज करणार आहे. अपेक्षेबाबत गौतमी म्हणाली की, मी अनेक गोष्टीतून गेली आहे. मी काय फेस केलं, सर्वांना ठावूक आहे. पहिली आणि मुख्य अट म्हणजे, तो सर्वकाही ऍक्सेप्ट कऱणारा असावा, असंही गौतमीने सांगितलं.

लग्नासाठी बऱ्याच मागण्यात आल्या. एका कार्यक्रमात एक मुलगा मागणी घालायला आला. माझ्या मॅनेजला येऊन म्हणाला की, मला मॅडमला खूप महत्त्वाचं बोलायचं. त्यांनी विचारलं काय बोलायचं? त्यावर तो म्हणाला की, मी मॅडमला लग्नासाठी मागणी घालायला आलो, अशी आठवणही गौतमीने सांगितली.