Girish Mahajan Attacks Uddhav Thackeray : नुकतीच शिवसेना उद्धव बाळासाहेब ठाकरे पक्षाचे पक्षप्रमुख उद्धव ठाकरे यांची ठाण्यात सभा झाली. ते हिंदी भाषीकांशी बोलत होते. यावेळी यांनी भाजपवर जोरदार टीका केली.

शिवसेनेसोबतची साथ सोडून फडणवीस आणि अजित पवारांच्या पहाटेच्या शपथ विधीवरुन यावेळी उद्धव ठाकरे बोलले आणि त्यांनी निशाणा साधला. या उद्धव ठाकरेंच्या टीकेला मंत्री गिरीश महाजन यांनी उत्तर दिले आहे. (Latest Maharashtra Political News)

यावेळी ते म्हणाले कि, तुम्ही काँग्रेसमध्ये गेल्याचं सांगता जर तुमच्यात हिंमत होती तर निवडणुकांआधी काँग्रेससोबत जायचं होतं. तुम्ही पंतप्रधान नरेंद्र मोदींच्या नावावर निवडून आलात.

पंतप्रधान नरेंद्र मोदी आणि गृहमंत्री अमित शहा यांनी भाषण केले तेव्हा तुम्ही निवडून आलात. तुमच्यात हिम्मत असेल तर तुम्ही लोकसभेला उभे राहा आणि दोन खासदार निवडून आणून दाखवा, असंही यावेळी मंत्री गिरीश महाजन म्हणाले.

तुम्ही मोदींना हुकूमशहा म्हणता हुकूमशाही कशाला म्हणतात ते माहित आहे का? तुमच्या हुकूमशाहीमुळे 55 पैकी आठ-दहा आमदार सुद्धा राहिले नाहीत. आमदार आणि मंत्राने तुम्ही भेटला नाही म्हणून लोक तुमच्या सोबत राहिले नाहीत

तुम्ही कोरोना काळात मृतदेहांच्या लपेटणाऱ्या बॅगमध्ये आणि रेमडेसिवर इंजेक्शनमध्ये तुम्ही कोट्यवधी रुपयांचा भ्रष्टाचार केला. माझा परिवार म्हणत एक दिवस तरी बाहेर पडलात का? त्यावेळी विरोधी पक्षनेते देवेंद्र फडणवीस प्रत्येक जिल्ह्यात गेले, दोन वेळा त्यांना कोरोना झाला. तरी एकही दिवस ते घरी बसले नाहीत.

आम्हीही रस्त्यावर होतो. तुम्ही त्यावेळी कुठे होता आज तुम्ही कुठल्या अधिकाराने विचारता? लोकांना सगळं माहित आहे. आता तुमच्यासोबत म्हणूनच फक्त शिल्लक सेना उरली आहे, अशी टीका मंत्री गिरीश महाजन यांनी उद्धव ठाकरेंवर केलीे.