मुंबई : लोकसभा निवडणुकांच्या निकालानंतर आता महाराष्ट्रात अनेक घडामोडी घडण्याची शक्यता आहे. नुकतंच राष्ट्रवादी शरद पवार पक्षाचे आमदार जितेंद्र आव्हाड यांनी एक ट्विट केलं आहे. यामध्ये त्यांनी एक गुगली अन् दोन विकेट असा उल्लेख केला आहे. त्यांच्या या ट्विटमुळं चर्चांना उधाण आलं आहे. (googly and 2 wickets excitement with Jitendra Awhad tweets)

आव्हाडांनी ट्विटमध्ये काय म्हटलं?

एक गुगली … २ विकेट पडणार

क्या गेम

एक बॉल … दो विकेट

#महाराष्ट्र

आव्हाडांच्या या ट्विटचे विविध अर्थ लावले जात आहेत. यामध्ये अजित पवारांच्या पक्षातून पुन्हा शरद पवारांकडं इनकमिंग सुरु होणार असल्याचं बोललं जात आहे. चार ते पाच आमदारांनी सुप्रिया सुळेंना फोन केल्याचं वृत्तही येत आहे. त्यामुळं लोकसभा निवडणुकीनंतर आता तीन ते चार महिन्यांनी विधानसभेच्या निवडणुका देखील आहेत. त्यामुळं येत्या काळात महाराष्ट्रात बरीच राजकीय उलथापालथ होण्याची शक्यता आहे.