सांगली : गोवंशाची आणि शेतकऱ्यांची शान, ओळख असणाऱ्या बैलगाडी छकडा गाड्यांच्या शर्यती छळ कपटानं नामशेष करण्याचं काम राष्ट्रवादी काँग्रेसवाले (ncp leaders) करत आहेत. (political News) सुरूवातीला शेतकऱ्यांसमोर बैठका घेऊन छकडा शर्यतीला विरोध नसल्याचे त्यांनी भासवले, आता हे गृहखात्याच्या बळाचा वापर करून छकडा शर्यतीच्या स्थानावर नाकाबंदी करून शेतकऱ्यांचा विश्वासघात करत असल्याची टीका गोपिचंद पडळकर यांनी (gopichand padalkar) केली आहे. ट्वीट करुन त्यांनी राष्ट्रवादी नेत्यांवर निशाना साधला आहे. (sangli Update)

ते म्हणतात, राष्ट्रवादी बळाचा वापर करून बैलगाडी शर्यतीच्या स्थानावर्ती नाकाबंदी करून शेतकऱ्याचा विश्वासघात करणार आहेत. गोवंशाची शान आणि शेतकऱ्यांची ओळख असणारी बैलगाडी नामशेष करण्याचं काम यांनी सुरु केलं आहे. राष्ट्रवादीने गेली दोन वर्षापासून यासंबधित कोणताही अध्यादेश किंवा तारीख काढलेली नाही. जेव्हा मी शर्यत घ्यायचं ठरवलं त्यावेळी राष्ट्रवादी नेत्यांनी शेतकऱ्यांबरोबर बैठक घेऊन शर्यतीला विरोध नसल्याचे भासवले. गृहखात्याच्या बळाचा वापर आज पासूनच सर्वत्र नाकाबंदी लावण्यात येणार आहे. याठिकाणी शेतकरी येणार आहेत. अफगाणिस्तानहुन तालिबान (taliban) येणार नाहीत, असा टोलाही त्यांनी लगावला आहे. इतका बंदोबस्त लावून तुम्ही शेतकऱ्यांचा विश्वासघात करत आहात. त्यामुळे तुमची दुटप्पी भूमिका शेतकऱ्यांना कळत आहे. बैलगाडी शर्यत राजकारणाचा विषय असू शकतं नाही. जर बैलगाडी आणि शेतकऱ्यांवर प्रेम असेल तर राजकारण करू नका, असेही पडळकरांनी स्पष्ट केले आहे.

पडळकरांचे शेतकऱ्यांना आवाहन

शेतकऱ्यांनी यामध्ये ताकदीने उतरले पाहीजे. आपण जर ताकदीने उतरलात तरच आपला बैल आणि गोवंश वाचेल आणि आपल्या बैलगाडी शर्यतीही होतील, असेही ते म्हणाले.