अजित पवारांच्या बोलण्याला सरकारमध्ये काडीचीही किंमत नाही, त्यांनी मोठेपणा थांबवावा असा हल्लाबोल भाजपाचे गोपिचंद पडळकर यांनी केला आहे. एसटी कर्मचाऱ्यांच्या आंदोलनाबाबत बोलताना त्यांनी महाविकास आघाडी सरकावर ताशेरे ओढले.

यावेळी पडळकर म्हणाले, मागच्या वेळीही उपमुख्यमंत्र्यांनी खोटेपणा केला आहे. ते एसटी मंडळातील वाझे आहे. एसटी संघटना पवार साहेबांची आहे. त्यांच्या नेतृत्वाखाली काम सुरु आहे. न्यायालयाने मान्यताप्राप्त एसटी कर्मचाऱ्यांची नोंदणी रद्द केली. मात्र अजित पवारांना खासगी भरती करायची आहे. एसटी कर्मचाऱ्यांच्या विनाशाला तेच कारणीभूत असल्याचा घणाघातही त्यांनी केला आहे.

पुढे ते म्हणाले, एसटी महामंडळाचं ते गोपनीयतेचं पत्र आहे. ते पत्र बाहेर न आल्यास माहिती कशी मिळणार? पत्र चुकीचं असल्यानं अधिकारीही उघडे पडले आहेत. बेकायदेशीर संपात अरणारे कर्मचारी यांच्यावर कारवाई करण्यात आली आहे. सेवानिवृत्त झाल्यानंतरही काळेंना एसटी महामंडळात ठेवलं आहे. माधव काळेची उचलबांगडी करा. तो पैसे वसूल करणारा एजंट आहे, असेही ते म्हणाले आहेत.