राज्यातील पाच राज्यांच्या विधानसभा निवडणुकांचा निकाल जाहीर झाला असून भाजपाने यात मुंसडी मारली आहे. त्यामुळे आज राज्यात भाजपाकडून ठिकठिकाणी आनंदोत्सन साजरा करण्यात येत आहे. गोवा विधानसभेत प्रभारी म्हणून काम पाहिल्यानंतर विरोधी पक्षनेते देवेंद्र फडणवीस यांचे आज मुंबईतही जंगी स्वागत करण्यात आले. दरम्यान, सिंहगर्जना करुन गोव्यात गेलेल्या पक्षांचा दारून पराभव झाला असल्याची प्रतिक्रिया देत त्यांनी शिवसेना आणि राष्ट्रवादी कॉंग्रेसला टोला लगावला आहे. याशिवाय २०२४ ला महाराष्ट्रातही सत्तांतर अटळ असल्याचं सूचक वक्तव्यही त्यांनी केलं आहे.

यावेळी फडणवीस म्हणाले, सामान्य माणसांच्या मनात पंतप्रधान मोदी आहेत. त्यांचे काम, नेतृत्वाला सामान्यांनी दाद दिली आहे. त्यामुळे भाजप हा विजयाचा झेंडा फडकवू शकले. देशातील नागरिक भाजपाच्या पाठीशी आहेत. आमचा हा जल्लोष आतापुरता आहे. आज रात्रीपासून आम्ही पुन्हा कामाला लागणार आहोत. कारण अजून लढाई बाकी असून आम्हाला कर्तव्यांची जाणिव आहे. राज्यात युवा, महिला, शेतकरी, मजुर, मराठा आरक्षण, वेगवेगळे घटकांना न्याय द्यावा लागले, उद्यापासून तीच तयारी करणार असल्याचे त्यांनी सांगितले.

पुढे ते म्हणाले, महाराष्ट्रातल्या जनेता हुशार आहे. म्हणून त्यांनी योग्य नेतृत्वाचा कौल दिला आहे. नोटापेक्षा शिवसेना राष्ट्रवादीला कमी मत मिळाली आहेत. यावर त्यांनी आत्मचिंतन करावं. येत्या २०२४ च्या निवडणुकीत मात्र महाराष्ट्रात सत्तांतर अटळ असल्याचं सूचक वक्तव्य त्यांनी यावेळ केलं आहे. आता मुंबई महापालिकेसाठी आम्ही तयारी सुरु करणार आहोत. महापालिकेला भ्रष्टाचार मुक्त करायचे असून केंद्राच्या अजेंड्यावर राज्याचा विकास होईल यासाठी प्रयत्नशील राहणार असल्याचेही ते म्हणाले आहे.