मुंबई - कोरोनामुळे सर्वच राष्ट्रीय व राज्य कुस्ती स्पर्धा बंद होत्या. आता राज्यात महाराष्ट्र केसरी स्पर्धा आणि राज्य विजेतेपद कुस्ती स्पर्धेचं आयोजन करण्यासाठी परवानगी देण्यात आली आहे. राज्य शासनाने ही परवानगी दिली असून यामुळे कुस्तीपट्टूंसह कुस्ती शौकिनांमध्ये आनंदाचं वातावरण निर्माण झालं आहे.
कुस्ती स्पर्धांच्या आय़ोजनासाठी कुस्तीगीर परिषदेने महाराष्ट्र केसरी स्पर्धेच्या आयोजनाची परवानगी राज्य शासन व भारतीय कुस्ती महासंघाकडे मागितली होती. मात्र राज्यशासनाच्या परवानगी अभावी सर्व अडले होते. आता परवानगी मिळाल्यानं कुस्तीगीर परिषद स्पर्धा आयोजनासाठी सज्ज झाली आहे.
महाराष्ट्र केसरी स्पर्धेसाठी राज्य भरातून शौकिन येण्याची शक्यता आहे. मात्र कोरोनामुळे यावर काही निर्बंध घातले जाण्याची शक्यता आहे. त्यामुळे मोजक्याच प्रेक्षकांच्या उपस्थितीत या स्पर्धेचं आयोजन केलं जाण्याची शक्यता आहे. याबाबत अद्याप सविस्तर माहिती मिळालेली नाही. दरम्यान, पुण्यातील बालेवाडीच्या बंदिस्त क्रीडा संकुलात स्पर्धेचे आयोजन करण्याचा परिषदेचा विचार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.