जळगाव : मुलीवर अत्याचार करून तिची हत्या करणाऱ्या हरामखोराना भर चौकात फाशी शिक्षा द्यायला पाहिजे असे कृत्य त्याने केले आहे. मात्र कायद्याच्या चौकटीत राहून ही त्याला फाशीची शिक्षा मिळेल असा विश्वास भाजप महिला प्रदेशाध्यक्ष चित्रा वाघ यांनी व्यक्त केला आहे.

अत्याचार करून तिची हत्या करण्यात आल्याची घटना नुकतीच घडली होती. या घटनेनंतर चित्रा वाघ यांनी पीडित मुलीच्या परिवाराची आज सांत्वनपर भेट घेतली.

मुलीच्या आरोपीस कठोर शिक्षा केली जाईल. कोणत्याही परिस्थितीत त्याला सोडले जाणार नाही असे आश्वासन यावेळी चित्रा वाघ यांनी दिले. यावेळी त्यांनी उपमुख्यमंत्री देवेंद्र फडणवीस आणि चंद्रशेखर बावनकुळे यांनी पीडित परिवारासाठी दिलेली आर्थिक मदत परिवाराच्या स्वाधीन केली.

भविष्यात अशा घटनांची पुनरावृत्ती टाळायची असेल तर शासन, पोलिसयंत्रनेने सोबत सामान्यांनीही सजग राहण्याची आवश्यकता असल्याचं चित्रा वाघ यांनी म्हटलं. जे आपल्याकडे कायदे आहेत, ते महिलांच्या सुरक्षेसाठी सशक्त आहे. फक्त या कायद्यांची प्रभावी अंमलबजावणी झाली पाहिजे. केवळ कायदे करून होणार नाही, अंमलबजावणी होणं गरजेचं असल्याचं चित्रा वाघ यांनी सांगितलं.

आश्रमांमधील घटनाबद्दल मागणी केली होती की, आश्रमशाळांची सरसकट ऑडीट करण्याची मागणी आम्ही केली होती. त्याचं काम सुरू आहे. त्याचे अहवाल लवकरच येतील, असंही चित्रा वाघ यांनी म्हटलं.