राज्यातील काही भागामध्ये पावसाने जोरदार हजेरी लावली आहे. मात्र, राज्यातील अनेक भागामध्ये अद्याप पावसाची प्रतीक्षा आहे. पावसाने दडी मारल्यामुळे बळीराजाचा चिंता आणखी वाढली आहे. राज्याच्या अनेक जिल्ह्यात पेरण्या शेतीकामे खोळंबली आहेत.

तर सध्या कोकण विभागात जोरदार पाऊस सुरु आहे. त्याचबरोबर मुंबईसह उपनगर, ठाणे,पुणे, नवी मुंबई परिसरात पावसाचा जोर दिसून येत आहे. विदर्भातील काही जिल्ह्यातही पावसाने हजेरी लावली आहे. दरम्यान, हवामान विभागाकडून वर्तवण्यात आलेल्या अंदाजानुसार विदर्भात आज पावसाचा यलो अलर्ट जारी करण्यात आला आहे.(Latest Marathi News)

तर येत्या ४-५ दिवसांमध्ये संमिश्र पाऊस पडेल असा अंदाज हवामान विभागाकडून वर्तवण्यात आहे. कोकण आणि मध्य महाराष्ट्रातील काही भागात मुसळधार पावसाची शक्यता वर्तवण्यात आली आहे. याशिवाय मराठवाडा आणि विदर्भातील काही भागात मेघगर्जनेसह पाऊस पडेल असं हवामान विभागाकडून सांगण्यात आले आहे. १३ जुलैनंतर पावसाचा जोर वाढण्याची शक्यता आहे.(Latest Marathi News)

तर आजपासुन म्हणजेच ११ जुलैपासुन महाराष्ट्रात नाशिक, पुणे, सातारा, सांगली, अहमदनगर जिल्ह्यात हलक्या स्वरुपाचा पाऊस पडण्याची शक्यता आहे. तर विदर्भात पावसाचा यलो अलर्ट दिला आहे. पुण्यात ढगाळ वातावरण राहील असा अंदाज हवामान विभागाने वर्तवला आहे. तर १२ जुलै रोजी घाट असणाऱ्या भागात तुरळक ठिकाणी मुसळधार पाऊस पडेल असा अंदाज हवामान विभागाने वर्तवला आहे.(Latest Marathi News)

हिमाचलमध्ये रेड अलर्ट, दिल्लीत यमुना धोका पातळीच्या वर

उत्तर भारतातील चार राज्यांमध्ये मुसळधार पाऊस सुरू आहे. एनडीआरएफची ३९ पथके तैनात करण्यात आली आहेत. पंजाब, हिमाचल प्रदेश, उत्तराखंड आणि हरियाणात पावसाने हाहाकार उडाला आहे.