मुंबई: मराठवाडा मुक्तिसंग्राम दिनाच्या निमित्ताने आयोजित एका कार्यक्रमात बोलताना मुख्यमंत्री उद्धव ठाकरे (cm uddhav thackeray) यांनी 'आजी, माजी आणि एकत्र आलो तर भावी सहकारी' असं विधान केलं. त्या विधानावरुन राजकीय वर्तुळात मोठ्या प्रमाणावर तर्क-वितर्क लढवले जात आहेत. मुख्यमंत्री उद्धव ठाकरे यांनी विधान केलं, त्यावेळी केंद्रीय मंत्री आणि भाजपा नेते रावसाहेब दानवे (Raosaheb danwe) मंचावर उपस्थित होते. शिवसेना-भाजपा (shivsena-bjp) पुन्हा युती होणार का? अशी चर्चा या निमित्ताने सुरु झाली आहे.
उद्धव ठाकरेंच्या या विधानाबद्दल त्यांचे कट्टर विरोधक केंद्रीय मंत्री नारायण राणे यांना विचारण्यात आलं. त्यावेळी त्यांनी "उद्धव ठाकरेंच्या मनातलं मी कसं ओळखणार, मी काही ज्योतिषी नाही. ते आज काय बोलतील उद्या काय ते सांगू शकत नाही" असं उत्तर दिलं. "त्यांनी स्पष्टपणे सांगावं हे माझे उद्याचे सहकारी आहेत. आम्हाल फेवर असेल तर मी आता कशाला बोलू?" असे राणे म्हणाले.
चंद्रकात पाटील परिस्थिती बदलेल असे म्हणाले होते आणि आज मुख्यमंत्र्यांनी भावी सहकारी असं विधान केलं. त्यावर राणेंनी "चंद्रकांत पाटील प्रदेशाध्यक्ष आहेत. ते संकेत देऊ शकतात. वातावरण बदलत असेल, अंदाज आला असेल त्यावरुन संकेत दिले असतील" शिवसेना-भाजपा एकत्र आले, तर तुम्हाला आवडेल का? या प्रश्नावर "भाजपाच्या नेत्यांनी स्वीकरलं, तर माझ्या आवडी-निवडीचा काय संबंध?" असं उत्तर राणेंनी दिलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.