शिंदे गटाचे आमदार आणि राज्याचे पाणीपुरवठा मंत्री गुलाबराव पाटील बिग बॉसमध्ये जाणार असल्याची चर्चा राजकीय वर्तुळात रंगली आहे. विशेष म्हणजे त्यांनी स्वतःहून यासंदर्भात वक्तव्य केलं आहे. (if you get a chance definitely go to bigg boss says gulabrao patil )

जळगाव येथे एका कार्यक्रमात गुलाबराव पाटील बोलत होते. यावेळी त्यांनी बिग बॉसमध्ये बोलावलं तर नक्की जाऊ. बिग बॉसमध्ये जाण ही माझ्यासाठी सोन्यासारखी संधी असेल, असे गुलाबराव पाटील म्हणाले आहेत.

नेमकं काय म्हणाले गुलाबराव पाटील?

गुलाबराव पाटलाला बिग बॉसमध्ये जर कोणी बोलवत असेल आणि अशी संधी मिळत असेल तर मला माझ्या मागच्या जीवनाची आठवण होतेय, असे सांगत लहानपणीच्या आठवणींना उजाळा दिला.

बिग बॉसमध्ये बोलावले तर ही सोन्यासारखी संधी आहे, मिळाली तर निश्चितपणाने जाऊ, असेही मंत्री गुलाबराव पाटील यांनी स्पष्ट केले आहे.

बिग बॉस हा भारतीय टेलिव्हिजन विश्वातील लोकप्रिय वादग्रस्त रिअॅलिटी शो आहे. कलाकार किंवा विविध क्षेत्रातील प्रसिद्ध किंवा वादग्रस्त व्यक्तिमत्त्व हे बिग बॉस या शोमधील स्पर्धक असतात.