मुंबई : अनेक दिवसांपासून महाराष्ट्रात कोरोनाचा उद्रेक होताना दिसत आहे. राज्यात दिवसेंदिवस कोरोनाचे रुग्ण झपाट्याने वाढत आहेत. बुधवारी महाराष्ट्रात २४ तासांत ४,०२४ नवीन कोरोना रुग्णांची नोंद करण्यात आली. तर ३,०२८ रुग्ण बरे झाले. शिवाय दोघांचा मृत्यू झाला. महाराष्ट्रात सक्रिय रुग्णांची संख्या १९,२६१ झाली आहे. राज्यात बीए.५ प्रकारातील चार रुग्ण नोंदवल्याची माहिती बी. जे. मेडिकल कॉलेज, पुणेने अहवालात म्हटले आहे. (In Maharashtra, 4,024 new corona patients died in 24 hours and 2 died)

मंगळवारी महाराष्ट्रात कोरोना (Corona) संसर्गाचे २,९५६ नवे रुग्ण आढळले होते. त्याचवेळी चार जणांचा मृत्यू झाला होता. दुसरीकडे एकट्या मुंबईत कोरोना संसर्गाचे १,७२४ नवीन रुग्ण आढळले होते. मुंबई महानगरातील संसर्गाचे प्रमाण १५.५८ टक्क्यांवर पोहोचले आहे. आज मात्र यात वाढ झाल्याचे पाहायला मिळाले.

सोमवारी मात्र दोन दिवसांपेक्षा कमी रुग्ण सापडले होते. सोमवारी महाराष्ट्रात कोरोनाचे १,८८५ नवीन रुग्ण आढळले होते. रविवारच्या तुलनेत सोमवारी कोरोना रुग्णांच्या संख्येत ३६ टक्क्यांनी घट झाली होती. ही घट एक दिवसासाठीच होती. कारण, बुधवारी ४,०२४ रुग्ण आढळून आले. सोबतच दोन जणांचा मृत्यूही झाला.