नागपूर : आज देशाचा ७५ वा स्वतंत्र्यदिन उत्साहात साजरा करण्यात येत आहे. या दरम्यान राष्ट्रीय स्वयंसेवक संघाचे (RSS) प्रमुख मोहन भागवत यांनी संघटनेच्या नागपूर येथील मुख्यालयात तिरंगा फडकवला. कडेकोट बंदोबस्तात पार पडलेल्या या कार्यक्रमात संघाचे काही स्वयंसेवक आणि प्रचारक उपस्थित होते. Independence Day 2022

राष्ट्रीय स्वयंसेवक संघाच्या वतीने रेशीमबाग परिसरातील डॉ.हे डगेवार स्मारक समिती येथे स्वातंत्र्य दिनानिमित्त कार्यक्रमाचे आयोजन करण्यात आले या कार्यक्रमात नागपूर महानगर सहसंघचालक श्रीधर गाडगे यांची प्रमुख उपस्थिती राहणार आहे. सायंकाळी ५ वाजता स्वयंसेवक शहरातील विविध भागांत ‘पथसंचलन’ (मार्च पास्ट) करणार आहेत.

राष्ट्रीय स्वयंसेवक संघाचे (आरएसएस) प्रमुख मोहन भागवत यांनी शनिवारी ‘हर घर तिरंगा’ मोहिमेचा एक भाग म्हणून संघटनेच्या नागपूर येथील मुख्यालयात तिरंगा फडकवला स्वातंत्र्याची 75 वर्षे पूर्ण झाल्याबद्दल केंद्र सरकारकडून हा उपक्रम राबवला जात आहे. काही दिवसांपूर्वी राष्ट्रीय स्वयंसेवक संघाने आपल्या फेसबुक आणि ट्विटर खात्यांचे डिपी देखील राष्ट्रध्वजात बदलले होते. सत्ताधारी भाजपचा वैचारिक जनक असलेल्या आरएसएसने अद्याप तिरंगा डीपी म्हणून का अपलोड केला नाही, असा प्रश्न यापूर्वी सोशल मीडियावर उपस्थित करण्यात येत होता.