मुंबई - पंतप्रधान नरेंद्र मोदी यांनी आज विरोधी पक्षांनी स्थापन केलेल्या 'इंडिया' आघाडीवर जोरदार टीका केली आहे. 'इंडिया' हे नाव इंग्रजांच्या ईस्ट इंडिया कंपनी, इंडियन मुजाहिद्दीन संघटनेच्या नावात देखील आहे. केवळ इंडिया नाव ठेवल्याने काही होत नाही, असं मोदी म्हणाले होते. यावर काँग्रेस नेते बाळासाहेब थोरात यांनी जोरदार टीका केली आहे.

थोरात म्हणाले, पंतप्रधानांनी अशी टीका करणे योग्य नाही. पंतप्रधानपद हे मोठं पद आहे. पंतप्रधान देशाचे प्रमुख असतात. असे असताना विरोधकांनी एकत्र येऊन इंडिया संघटना स्थापन केली. त्यावर अशा प्रकारे शेरेबाजी करणे योग्य नाही.

यावेळी थोरात यांनी विरोधीपक्ष लवकरच निश्चित करण्यात येईल, असंही सांगितलं. - पोलिसांविषयी देखील अत्यंत चुकीच्या पद्धतीने हे सरकार निर्णय घेत आहे. आमचा त्याला विरोध असल्याचं थोरात यांनी नमूद केलं.

भाजपला आगामी लोकसभेत पराभूत करण्यासाठी देशातील २६ विरोधी पक्ष एकत्र आले आहेत. विरोधकांनी आपल्या आघाडीला 'इंडिया' (इंडियन नॅशनल डेव्हलपमेंट इन्क्लुझिव्ह अलायंस) असे नाव दिले आहे. राज्यातील काँग्रेस, राष्ट्रवादी काँग्रेस(शरद पवार ) (sharad pawar), आणी शिवसेना (ठाकरे) (uddhav thakre) हे तीन मुख्य विरोधी पक्ष सुद्धा या गटामध्ये सामील झाले आहेत. यावर मोदींनी आज कडाडून टीका केली. त्याला काँग्रेसकडून प्रत्युत्तर देण्यात आलं.