Indian Railway New Decision : भारतीय रेल्वेनं तिकीट बुकिंगसाठी नवीन बदल केले आहेत; आणि हे बदल आता अनेक प्रवशांसाठी खूप फायदेशीर ठरणार आहे. भारतीय रेल्वे आपल्या प्रवाशांना चांगल्या सुविधा देण्यासाठी नेहमीच काहीना बदल करत असते. असाच एक बदल प्रवाशांच्या समस्या लक्षात घेऊन रेल्वे मंत्रालयानं केलाय. अनारक्षित म्हणजेच जनरलच्या तिकिटांबाबत मोठा निर्णय घेतला आहे.

जनरल तिकीट बुकिंगबाबत भारतीय रेल्वेनं केलेले बदल

जनरल तिकीट बुकिंग करून प्रवास करणाऱ्या लाखो प्रवाशांसाठी हा फायदेशीर बदल केला आहे. खरंतर मंत्रालयानं अॅपवरून अशाप्रकारे तिकीट बुक करण्यासाठी अंतर वाढवलं ​​आहे. रेल्वे मंत्रालयाच्या म्हणण्यानुसार रेल्वे विभागानं मर्यादित अंतराच्या तिकिटांचा गैरवापर थांबवण्यासाठी मोठा निर्णय घेतला आहे.

ॲपच्या आधी आपल्याला स्टेशन वर जाऊनच येणाऱ्या गाडीच बुकिंग करावं लागत होत; पण ॲप आल्यापासून आपण ऑनलाइन बुकिंग करू शकतो; पण यासाठी त्या रेल्वे स्टेशन पासून फार फार तर 2 किमी अंतरापर्यंत बुकिंग करू शकत होते. पण आता दोन किमीचे अंतर 20 किमी करण्यात आलं आहे.

‘या’ ट्रेनसाठी बदलला नियम-

भारतीय रेल्वेच्या नवीन प्रणालीनुसार, उपनगरी नसलेल्या वर्गांसाठी, पाच किलोमीटरऐवजी, 20 किलोमीटर अंतरावरूनही जनरलच तिकीट बुक करता येणार आहे आणि उपनगरीय विभागासाठी तिकीट बुक करण्यासाठी हे अंतर दोन किमीवरून पाच किमी करण्यात आले आहे. ही सुविधा सुरू झाल्यानंतर आता प्रवाशांची स्टेशनवर पोहोचल्यानंतर तिकिटासाठी लागणाऱ्या लांबच लांब रांगांपासून सुटका होणार आहे. कारण आता तुम्ही घरी बसून जनरल तिकीट बुक करू शकता.