सिंदखेड राजा : आज १२ जानेवारी ला सिंदखेड राजा (Sindkhed Raja) येथील ४२४ वा जिजाऊ जन्मोत्सव निमित्त राजवाड्यातील जिजाऊंचे पुतळ्याचे पूजन करून जन्मोत्सवाला सुरवात झालीय. आज सकाळी बुलडाणा जिल्ह्याचे पालकमंत्री डॉ राजेंद्र शिंगणे (Rajendra Shingne) आणि वंशज यांनी माँ साहेब जिजाऊ चे पूजन यांच्या हस्ते संपन्न झाले, पुजनवेळी जिजाऊ भक्त उपस्थित होते. यावेळी जय जिजाऊ जय जिजाऊ च्या घोषणा ने परिसर दणाणले होता.

दरवर्षी मोठ्या थाटात साजरा होणारा जिजाऊ जन्मोत्सव सोहळा ह्यावर्षी कोरोनामुळे अगदी साध्या पद्धतीने साजरा होतोमराठा सेवा संघाने आवाहन केल्यानुसार ह्यावर्षी फक्त ५० लोकांच्या उपस्थितीत हा सोहळा साजरा होतो आहे. त्यामुळे जिजाऊ भक्तांची ह्यावर्षी गर्दी याठिकाणी पहायला मिळत नाही. मात्र जिजाऊ जन्मोत्सव असल्याने राजवाडा आणि जिजाऊ सृष्टी वर विद्युत रोषणाई केलेली आहे. शिवाय घरीच राहून जिजाऊ याना मानवंदना करावी, असे आवाहन पालकमंत्री डॉ.राजेंद्र शिंगणे यांनी केले आहे.