जालनाः छत्रपती शिवाजी महाराज यांच्याबद्दल राष्ट्रवादी काँग्रेसचे नेते जितेंद्र आव्हाड यांनी वादग्रस्त विधान केलं आहे. त्यामुळे राज्यभरातून संताप व्यक्त होत असून आव्हाडांची जीभ छाटणाराला दहा लाखांचं बक्षिस जालन्यातल्या एका नेत्याने जाहीर केलं आहे.
मुंबईतल्या हिंदू जनआक्रोश मोर्चानंतर जितेंद्र आव्हाड वादग्रस्त विधानं आणि ट्विट करीत आहेत. त्यामुळे भाजपकडून त्यांच्यावर जोरदार हल्ला केला जातोय. त्यांनी छत्रपती शिवाजी महाराज यांच्याबद्दल केलेल्या विधानानंतर संताप व्यक्त होतं आहे.
आज जितेंद्र आव्हाड यांनी आज एक ट्विट केलं आहे. त्यात ते म्हणातात, '' रामायणातून रावण काढून श्रीराम समजावून सांगा. महाभारतातून दुर्योधन, कर्ण काढून कृष्णअर्जुन समजावून सांगा. आदिलशाही आणि मुघलशाही काढून शिवाजी छत्रपतींचा इतिहास समजावून सांगा.. इंग्रजांना बाजूला काढून भारतीय स्वतंत्र लढा समजावून सांगा'' असं ट्विट त्यांनी केलं आहे.
या विधानानंतर भाजपकडून आव्हाडांवर जोरदार हल्ला होतोय. जालना भाजप ओबीसी मोर्चाचे जिल्हाध्यक्ष कपिल दहेकर यांनी सांगितलं की, जितेंद्र आव्हाड ज्या ठिकाणी दिसतील तिथे त्यांची जीभ जो छाटेल त्याला भाजपतर्फे १० लाख रुपयांचं बक्षिस देण्यात येईल, असं त्यांनी जाहीर केलं आहे.
दरम्यान, एका कार्यक्रमात उपमुख्यमंत्री देवेंद्र फडणवीस यांनीही जितेंद्र आव्हाडांवर भाष्य केलं आहे. आव्हाड कधी कधी सगळ्या सीमा ओलांडतात, असं फडणवीस म्हणालेत. आव्हाडांच्या विधानानंतर राज्यात पुन्हा वाद उभा राहण्याची शक्यता दिसून येतेय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.