महाराष्ट्र कर्नाटक सीमावादाचा प्रश्न गेल्या काही दिवसांपासून पुन्हा एकदा उफाळून आला आहे. यावरून मोठ्या प्रमाणावर राजकारण आणि आरोप-प्रत्यारोप करणं सुरू आहे. याच संदर्भात आता शिवसेना खासदार संजय राऊत यांना जीवे मारण्याची धमकी दिल्याची माहिती हाती येत आहे.

संजय राऊत यांना काल दिवसभरात धमकीचे दोन फोन कॉल्स आले आहेत. कर्नाटक सीमावादाविषयी शंभूराज देसाईंनी काल पत्रकार परिषद घेतली होती. त्यानंतर राऊतांना या धमक्या आल्या आहेत. या पत्रकार परिषदेत देसाईंनी राऊतांना "आत्ताच जेलमधून सुटला आहात, पुन्हा जावं लागेल", अशा शब्दांत इशाराही दिला होता. त्यानंतर या धमक्या आल्या आहेत. कन्नड वेदिका संघटनेकडून धमक्या आल्याचा संशय आहे.

गेल्या काही दिवसांपासून कर्नाटक सीमावादाचा प्रश्न पुन्हा उफाळून आला आहे. या प्रश्नावरून राज्यात ब्लेमगेम सुरू आहे. कालच या मुद्द्यावर समन्वयक मंत्री शंभूराज देसाई यांनी पत्रकार परिषद घेतली. कर्नाटक प्रश्न योग्य न हाताळल्याची टीका सातत्याने शिंदे फडणवीस करणारे संजय राऊत यांनी शांत राहण्याचा इशाराही देसाईंनी दिला. पुन्हा जेलमध्ये जायची वेळ येईल, अशा शब्दांत देसाईंनी सुनावल्यानंतर दोघांमध्ये तणाव निर्माण झाला आहे.