नाशिक : सार्वजनिक वाचनालय, नाशिक या संस्थेतर्फे दरवर्षी (स्व.) माधवराव लिमये याच्या स्मृतिप्रीत्यर्थ देण्यात येणारा २०२०-२१ सालचा कार्यक्षम संसद सदस्य पुरस्कार (Karyaksham (efficient) MP award)केंद्रीय परिवहन मंत्री नितीन गडकरी (Nitin Gadkari)यांना देण्यात येणार आहे. पुरस्कार वितरण सोहळा नवी दिल्लीतील नितीन गडकरी यांच्या मोतीलाल नेहरू मार्ग, नवी दिल्ली येथील निवासस्थानी गुरूवारी (ता. १०) दुपारी साडेबारा वाजता होणार आहे.

नितीन गडकरी बालपणापासून राष्ट्रीय स्वंयसेवक संघाचे ते स्वंयसेवक असून त्यांनी संघ विचारधारेच्या विविध राजकीय संघटनामधून राजकीय कारर्किदीला सुरुवात केली. भारतीय जनता पक्षाच्या स्थापनेपासून ते पक्षात सक्रीय आहे. भूपृष्ठ वाहतूक जहाज बांधणी, जलसंसाधन नदीविकास आणि गंगासंरक्षण मंत्री म्हणून प्रभावी कामगिरी केली आहे. केंद्रीय मंत्रीमंडळातील आणि लोकसभेतील प्रभावी व कार्यक्षम मंत्री म्हणून देशात त्यांची ओळख आहे. या पुरस्कार सोहळयास प्रमुख पाहुणे म्हणून केंद्रीय आरोग्य राज्यमंत्री डॉ. भारती पवार, खा. डॉ.सुभाष भामरे, खा. हेमंत गोडसे, खा. विनय सहस्त्रबुद्धे उपस्थित असतील. यावर्षीपासून या पुरस्काराची व्याप्ती वाढविण्यात आली असून वर्षाआड पुरस्कार विधीमंडळ सदस्य आणि संसद सदस्य यांना दिले जाणार आहेत.