कोल्हापूर : साहेब बँकेत सगळे चोर आहेत निवडणुकीत एकमेकांवर टीका करतात. नंतर गळ्यात पडतात. बँकेवर कायमस्वरूपी प्रशासक नेमा. जिल्हा मध्यवर्ती बँकेच्या (Kolhapur Bank Election Results) मतमोजणीला सकाळी आठ वाजता सुरुवात झाली. पहिल्यांदा मतपेट्या उघडून मतपत्रिका बाहेर काढण्यात आल्या. यावेळी काही मतदारांनी मतपत्रिकेवरच काही मजेशीर चिठ्ठ्या टाकल्याचे दिसून आले. (Kolhapur Bank Election Results News)

एका चिठ्ठीत असे लिहले होते की, साहेब बँकेत सगळेच चोर निवडणूक आले की एकमेकांवर टीका, नंतर गळ्यात गळ्यात पडतात. त्यामुळे बँकेवर प्रशासक नेमा. असा मजकूर लिहिला होता. मुश्रीफ साहेब यांच्या एका समर्थकान कागलच्या राजकारणाचे गणितच चिठ्ठीतून सांगितले. मुश्रीफ साहेबांच्या जवळ एक टोळके आहे. निवडणूक आली की ते साहेबांच्या जवळ जाते. आणि कुठेच काम होऊ देत नाही. समरजीत घाटगे (Samarjeet Ghatge)यांच्या जवळ पण असाच एक गट आहे. तो कोणाचीच काम होऊ देत नाही. अशा काही चिठ्ठीतून मतदारांनी आपली खंत व्यक्त केली.

दरम्यान सकाळी आठ वाजता मतपेट्या उघडून मतपत्रिका यांचे वर्गीकरण करण्यात आले त्यानंतर गटनिहाय मतमोजणी सुरू होणार आहे. सकाळी अकरा वाजेपर्यंत पहिली फेरी पूर्ण होईल. अशी माहिती निवडणूक अधिकारी काकडे यांनी दिली.