Khalapur Irshalwadi Landslide: रायगड जिल्ह्यातील खालापूरच्या इर्शाळवाडीत अंगावर शहारा आणणारी घटना घडली आहे. काल (बुधवार) रात्री अकरा वाजता इर्शाळवाडीत लोक झोपी जात होते. तेव्हाच काळाने घात केला आणि इर्शाळवाडीत कुटुंबासाठी कालची रात्र काळरात्र ठरली.

इर्शाळवाडीत दरड कोसळली आहे. त्यामुळे ३० ते ४० कुटुंब मलब्याखाली अडकले आहेत. आतापर्यंत २७ जणांना वाचवण्यात आले. फक्त चिखल असल्यामुळे कोणतीही यंत्रणा तिथे पोहचत नाही. आता हेलीकॉप्टरच्या सहाय्याने बचावकार्य राबवण्यात येणार आहे. घरांसोबत कुटुंबदेखील उध्वस्त झाली आहेत. त्यामुळे आपल्या मुलाबाळांना शोधण्यासाठी गेलेल्या नातेवाईकांनी एकच टाहो फोडला आहे. Khalapur Irshalwadi Landslide:

एक मुलगी तिच्या आई-बाबा शोधत घेत आहे. तिच्या डोळ्यातील अश्रूधारा थांबत नाहीत. मला माझे माय-बाप मिळूदे, अशी आर्क हाक ती मुलगी मारत आहे. टीव्ही नाईन शी बोलताना त्या मुलीचा बांध फुटला. डोक्याला हात मारत ती एकच विनंती करत होती. माझे माय-बाप मिळूदे, त्यांचा अजून पत्ता नाही लागला, असे ती मुलगी सांगत होती.

नातेवाईकांसाठी टेन्ट उभारण्यात आले आहेत. मात्र त्यांची आपल्या लेकरांना शोधण्याची धावपळ थांबली नाही. काही लहान मुले आपल्या आई वडीलांना शोधत आहेत.

तर एक आजी तिच्या मुलांना शोधत आहेत. "डोंखर खचला, मातीचा डोंगर खचला माझी मुलं घरात होती दबल्या गेली. घरातील सगळी माणसे गेली, अता आमचं कोणी राहंल नागी, असे एका आजीने सांगितले. महिलांनी हंबरडा फोडला आहे.