किरीट सोमय्यांनी सध्या महाविकास आघाडीला लक्ष्य केलं आहे. सरकारमधल्या विविध नेत्यांवर भ्रष्टाचाराचे गंभीर आरोप करण्याचं सत्र सोमय्यांनी सुरू केलं आहे. ते सध्या चांगलेच सक्रीय असून आता सोमय्या मनसुख हिरेन या व्यावसायिकाच्या कुटुंबीयांची भेट घेणार आहेत.
उद्योगपती मुकेश अंबानी यांच्या मुंबईतल्या अँटिलिया या निवासस्थानाबाहेर एका गाडीत स्फोटकं आढळली होती. ही गाडी मनसुख हिरेन या बांधकाम व्यावसायिकाची होती. मात्र त्यानंतर त्याचा खून झाल्याचं आढळून आलं. याच मनसुख हिरेनच्या कुटुंबीयांना आज किरीट सोमय्या भेटणार आहेत. त्यांच्या ठाण्याच्या घरी सकाळी १० वाजता ही भेट होणार आहे.
याबरोबरच किरीट सोमय्या या प्रकरणातले आरोपी प्रदीप शर्मा आणि सचिन वाझे यांच्याबद्दलही आक्रमक भूमिका घेण्याची चिन्हं दिसून येत आहेत. आपल्या ट्वीटमध्ये सोमय्या म्हणतात, मी आज सकाळी १० वाजता मनसुख हिरेन याच्या कुटुंबीयांची त्यांच्या ठाण्यातल्या घरी जाऊन भेट घेणार आहे. एनआयएने हे स्पष्ट केलं आहे की, प्रदीप शर्मा आणि सचिन वाझे यांनीच मनसुख हिरेनचा खून केला. त्यांना तशा पद्धतीचं काम करण्यासाठी नेमण्यात आलं होतं का?
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.