Latest Government Update on Ladki Bahin Yojana : महाराष्ट्रातील महिलांसाठी अत्यंत महत्त्वाची असलेल्या लाडकी  बहीण योजनेबाबत एक महत्त्वाचे अपडेट आले आहे. खरंतर या योजनेवरून सातत्याने सत्ताधारी आणि विरोधकांममध्ये आरोप-प्रत्यारोप, वाद-प्रतिवाद सुरू असतात. महायुतीला सत्तेत आणण्यास कारणीभूत ठरलेल्या प्रमुख घटकांपैकी एक असणाऱ्य या योजनेवरून विरोधातील महाविकास आघाडी सातत्याने प्रश्नचिन्ह उपस्थित करत असते. तर वेळोवेळी याबाबत सरकारकडूनही अपडेट दिले जातात.

आता अशी माहिती समोर आली आहे की, २ हजार २८९ महिला ज्या सरकारी कर्मचारी होत्या, त्यांना लाडकी बहीण योजने अतंर्गत लाभ देणे बंद केले गेले आहे. राज्याच्या महिला व बाल विकासमंत्री आदिती तटकरे यांनी महाराष्ट्र विधानसभेत ही माहिती दिली आहे.

आदिती तटकरे म्हणाल्या, महाराष्ट्र सरकारने केलेल्या पडताळणीत आढळले आहे की, २ हजार २८९ महिला सरकारी कर्मचारी मुख्यमंत्री लाडकी बहीण योजनेच्या लाभार्थी होत्या. त्या सर्व महिलांची ओळख पटली आहे आणि आता या महिलांना लाडकी बहीण योजनेचा लाभ देणे बंद करण्यात आले आहे.

या महिलांना लाभ मिळणार नाही -

ज्या महिला आधीपासून अन्य योजना जसे की, संजय गांधी निराधार योजना(दोन लाख महिला), नमो किसान योजना(७.७०लाख महिला) जुडलेल्या आहेत. ज्या शासकीय सेवेत कार्यरत आहेत, आता यातील संख्या ५० हजारांपर्यंत जाऊ शकते.

तसेच, सरकारचे म्हणणे आहे की, सरकारी विभागांमध्ये ज्या महिला कार्यरत आहेत, त्यांनी तत्काळ लाडकी बहीण योजनेतून मिळालेले हप्ते परत करावेत अन्यथा त्यांच्याविरोधात कारवाई होईल. कारण, या योजनेचा नियमच आहे की सरकारी कर्मचारी असलेल्या महिलांना या योजनेचा लाभ मिळू शकत नाही.

याशिवाय, अशा महिला ज्यांच्या कुटुंबाचे वार्षिक उत्पन्न अडीच लाखांपेक्षा अधिक आहे. २५ लाख महिला आहेत, ज्यांची छाननी केली जात आहे. तसेच अन्य कारणांमुळे अयोग्य आढळलेल्या १५ लाखांपेक्षा अधिक महिलांचीही छाननी केली जात आहे.